JEREMIA 17:6 - Pathien Lekhabu Inthieng (BSI)

⁶ Ama chu thlalêra hlobuk ang nîng a ta, thil ṭha hung tlung khawm chu a hmu âwm si naw a; amiruokchu, thlalêra chun hmun ṭâwl lai lai chu hluong a ta, hluo ngai lo, chilung ram chu.

JEREMIA 17:6 ပူးပေါင်းရင်းမြစ်များ

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

JOB LEKHABU (THE BOOK OF JOB) 20:17

Vadunghai chu en ta ngai naw ni a, Nênetui khal le khuoizu tui luonghai chu.

JOB LEKHABU (THE BOOK OF JOB) 39:6

Chu in ding chun thlalêr ka siem a, A umna dingin chi ram leh.

INPÂKNA HLABU 1:4

Mi rilohai ruok chu chuong ang chu an ni naw a, Busi thliin a lênhmang hlak ang hi an ni lem a.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

INPÂKNA HLABU 92:7

Mi rilohai hlobet anga an hung inder a, Thil suksuoltuhai po po an hung inno hlut hlut hin, Kumkhuoa dinga sukbohmangin an um ding a hung ni hlak, ti hi.

ISAI 1:30

Thingsaisuo a hna vuoi ta le, huon tui hmu naw ang el hi in ni ding a nih.

JEREMIA 29:32

Lalpa chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw ni a, ka mihai laia thil ṭha ka thaw khawm chu hmu bawk naw ni, Lalpa chun a tih: Lalpa chunga helna thu a lo hril ta leiin,” tiin.

JEREMIA 48:6

Tlân hmang unla, in hringnahai chu sanhim unla, thlalêra sabengtung ang chu ni unla.

EZEKIEL 47:11

Amiruokchu, chutaka dûm hmunhai le dieldâwk hmunhai chu sukthieng ni naw ni hai a, chi dinga mâksan ni lem an tih.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.

RORELTUHAI 9:45

Abimelek chun khawpui chu chu ni chun sûnnithlâkin a thaw a, khawpui chu a lâk a, a sûnga mihai chu a that a, khawpui chu a suksiet vawng a, machiin a the ta a.