JEREMIA 17:3 - Pathien Lekhabu Inthieng (BSI)

³ Aw rama ka tlâng, i thuomhnawhai le i rohai chu i bâwlhmunhai le, i ramri sûng po poa i suolna lei chun râllâk sumah ka pêk ding a nih.

JEREMIA 17:3 ပူးပေါင်းရင်းမြစ်များ

2 LALHAI 24:13

Chun, Lalpa hril ang khan, Lalpa ina ro po po le lal ina ro po po chu a lâk suok a, Lalpa biek ina Israel lal Solomonin rângkachak bûr le bêl a siemhai po po chu a sâtnawi vawng a.

INPÂKNA HLABU 78:58

An hmun insânghaiin ama chu an suklungsen hlak si a, An milim siemhaiin an inthîktir bawk a.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 15:13

I ramrihai po poa chun, i suolhai po poa ding chun, i thuomhnaw le i rohai chu man boa râllâk sum dingin pêng ka tih.

JEREMIA 20:5

Chu nawa khawm chun, hi khawpuia hausaknahai po po, chutaka a thil hlâwkhai po po, chutaka a thil hluhai po po, anih, Juda lalhai ro thilhai po po el chu an hmêlmahai, anni suksea, anni ṭhuoia, Babulona fepuitu dinghai kuta chun ka pêk ding a nih.

JEREMIA 21:13

Aw phairuom le, phaia lungpui hmun hluotuhai, ngai ta u, nangni ka dodâl cheu a nih, Lalpa chun a tih: nangni chun, “Ei chungah tu am hung thlâng a ta? Tu am ei chêngnaa hin hung lût a ta?” in ti a;

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

EZEKIEL 16:39

Chun, anni kuta chun pe bawk ka ti che a, i hmun langsârhai chu peisieng an ta, i hmun insânghai chu sukchim an tih; i puon sil chu hlîppêk an ti che a, în cheina thil hluhai chu lâng an tih; chuongchun, saruok le ruokin mâksan an ti che.

EZEKIEL 23:46

Lalpa Pathien chun hieng hin a ti si a; An chungah mipui inkhâwm hung ṭhuoi ka ta, anni chu a suk a tunga vawrlênga suksiet dingin an kuomah pêng ka tih.

EZEKIEL 6:3

‘Nangni Israel tlânghai, Lalpa Pathien thu chu lo ngai ta u, Lalpa Pathien chun tlânghai le muolhai le, tui luongnahai le, phairuomhai kuoma chun hieng ang hin a tih; Ngai ta u, keiin, keima ngeiin, in chungah kâwlhnâm intlungtir ka ta, in bâwlhmunhai sukse vawng ka tih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.