JEREMIA 17:14 - Pathien Lekhabu Inthieng (BSI)

¹⁴ Aw Lalpa, mi sukdam la, sukdamin um ka tih; mi sandam la, sandamin um ka tih; ka inpâkna chu nang i ni si a.

JEREMIA 17:14 ပူးပေါင်းရင်းမြစ်များ

INPÂKNA HLABU 106:47

Aw Lalpa, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

INPÂKNA HLABU 109:1

Aw kan inpâk Pathien, to zing naw la,

INPÂKNA HLABU 119:94

I ta ka ni hi, mi sandam rawh, I thununna thuhai chu ka zawng si a.

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

INPÂKNA HLABU 148:14

A mihai ki chu a chawimawi bawk a, A mi inthieng po po inpâkna chu: Israel nau, ama hnaituhai inpâkna chu. Lalpa chu inpâk ro.

INPÂKNA HLABU 54:1

Aw Pathien, i hmingin mi sandam la, I hrâtnain ro mi rêlpêk rawh.

INPÂKNA HLABU 6:2

Aw Lalpa, mi lunginsiet la, ka chau zo ta si a; Aw Lalpa, mi sukdam rawh, ka ruhai hi a na zo vawng ta si a.

INPÂKNA HLABU 6:3

Ka hringna khawm a lunginzîng bêk bêk bawk a nih: Aw Lalpa, nangin iengchen am i mi thlathlam ding a na?

INPÂKNA HLABU 6:4

Aw Lalpa hung kîr nâwk la, ka hringna sanhim la, I ngilneina leiin mi sandam la.

INPÂKNA HLABU 60:5

I dittakhai hi sanhima an um theina dingin, I kut changtiengin sandam la, mi hung dawn rawh.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

JEREMIA 15:20

Chun, hi hnam ta ding hin dârsen bang kulah siem ka ti che a; nang chu hung do hlak an ti che a, nisienlakhawm, hne ngai naw ni hai che; sandam ding le sansuok ding chein i kuomah ka um zing si a, Lalpa chun a tih.

JEREMIA 3:23

Indiktakin muolhaia ṭhangpuina beiseia umhai chu mipui inri mur murhai chu a thlâwn el a nih; indiktakin Lalpa ei Pathiena chun Israelhai sandamna chu a um a nih.”

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu Lalpa ka Pathien i ni si a,” tiin.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

NAMBAR 12:13

Chuongchun, Mosie chun, “Aw Pathien, sukdam nâwk ta khai,” tiin Lalpa chu a ko a.

MATTHAI 14:30

Nisienlakhawm, thli hrâng chu a hmuin a ṭi a; chun a tlum vâng vâng a, “Lalpa, mi sandam rawh” tiin a khêk ta a.

MATTHAI 8:25

A kuomah an hung a, an keitho a, “Lalpa, mi sanhim rawh, kan bohmang ding annâwm hi,” an ta.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

DÂN PAHNINA 10:21

Ama chu in inpâk ding chu a na, hieng in mita in hmu tah thil ropuitak le râpthlâktakhai thawpêk hlak cheu in Pathien a nih.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.