JEREMIA 17:12 - Pathien Lekhabu Inthieng (BSI)

¹² A tira inthawka lalṭhungpha ropui chungtienga inṭhuta um chu, chu chu ei hmun inthieng hmun chu a nih.

JEREMIA 17:12 ပူးပေါင်းရင်းမြစ်များ

INPÂKNA HLABU 103:19

Lalpa chun a lalṭhungpha chu vâna khin a sukdet a, A ram chun iengkim chungah ro a rêl a.

INPÂKNA HLABU 96:6

Chawimawina le ropuina a hmaah an um a, Hrâtna le mawina chu a hmun inthiengah an um.

ISAI 6:1

Lal Uzzia a thi kum khan Lalpa chu lalṭhungpha insângtaka chawisânga a ṭhung ka hmu a, a silfên hmawr infuol chun biekin chu a suksip ta vawng a.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

JEREMIA 14:21

Nangma hming leiin keini chu mi hmusit naw la, i ropuina lalṭhungpha chu sukhmaimâwk naw rawh; keini le i thuthlung kha hre zing la, sukse naw rawh.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

EZEKIEL 1:26

An luhai chunga, vân chunga chun, lalṭhungpha ang, sapphir lung anga inlang a um a; lalṭhungpha angtak chunga chun mihriem anga inlang a um a.

EZEKIEL 43:7

ka kuoma chun, “Mihriem naupa, hi hi ka lalṭhungpha hmun le ka kehai innghatna hmun, Israel thlahai kuoma chatuona ka chêngna ding chu a ni hi. Israel sûngkuo chun ka hming inthieng chu sukpawrche ta naw ni hai a, anni khawmin, an lalhai khawm, an hurnain amani, an bâwlhmunhaia an lalhai ruonghai khawmin amanih sukpawrche naw ni hai,

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.