JEREMIA 17:10 - Pathien Lekhabu Inthieng (BSI)

¹⁰ Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 17:10 ပူးပေါင်းရင်းမြစ်များ

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

2 CHANCHIN SUINA 6:30

i umna vâna inthawk chun nangin lo hre la, ngaidam la, mi tin chu, a lungril chu nangin i hriet a, a lampuihai ang po po ngei chun nangin inhmutir rawh; (nang chun, nang chauin mihriem nauhai lungril chu i hriet si a;)

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 44:22

Anih, nangma leiin sûnnithlâka thatin kan um hlak a, Berâm that dinghai anga ngai kan nih.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

INPÂKNA HLABU 7:10

Ka phaw chu Pathien kuomah a um a; Ama chu lungril indiktak put sandamtu a nih.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

THUVARHAI 12:14

A baua ra thil ṭha chun mi chu suktlai nîng a ta, Ama kut thilthawhai ngei chu a kuomah pêk nîng a tih.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

THUHRILTU 9:3

Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê ta a.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

JEREMIA 11:20

Nisienlakhawm, aw sipaihai Lalpa, indiktaka rorêltu, lungril le hrietnahai fietu, anni chunga i phubalâkna chu mîn hmutir rawh; nangma kuoma chu ka thu chun ka hung târlang si a.

JEREMIA 12:13

Bu an chîng a, hling an sîk a; anni chu an insukna a, nisienlakhawm, iengkhawm a hlawk nawh, Lalpa lunginsenna ṭiumtak lei chun i rahai chu inzapui i tih.

JEREMIA 20:12

Nisienlakhawm, aw sipaihai Lalpa, mifelhai fie hlaktu, lungril le ngaituonahai hmutu, an chunga i phuba lâk chu mîn hmutir la; nangma kuoma ngei chun ka chungthu chu kân kawltir ta si che a..

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

EZEKIEL 11:5

Chun, Lalpa thlarau chu ka chungah a hung tlung a, ka kuoma chun, “ Lalpa chun hieng hin a tih ti hril rawh: Aw Israel sûngkuohai, chuong ang chun in hril am a ni; in lungrilhaia thil hung lûthai chu ka hriet si a.

EZEKIEL 14:5

an milimhai leia keimaa inthawka an invâkhmang vawng tâk leiin, Israel sûngkuo chu an lungrilhai ka lâk theina dingin’ tiin.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 6:4

chuongchun, i Pa a rûka hmutu che chun thung a ti che.

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet si a.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:27

Chun, Pathien dit zâwng ang peiin mi inthienghai chu a ṭawngṭai pêk hlak leiin, lungrilhai entu chun Thlarau dit zâwng chu a hriet hlak a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmu a. Chun, lekhabuhai an phar a,lekhabu dang Hringna bu chu an phar bawk a, mithihai chu lekhabuhaia ziek an thilthaw ang peiin rêlpêkin an um ta a.

THUPUONGSUO 22:12

“Ngai ta, ka hung vak ding a nih; mi tin an thilthaw ang peia pêk dingin ka lâwmman ka kuomah a um a.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.