JEREMIA 16:6 - Pathien Lekhabu Inthieng (BSI)

⁶ Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 16:6 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

JEREMIA 13:13

Nang chun an kuoma chun, Lalpa chun hieng hin a tih: Ngai ta u, hi ram hluotuhai hi, lalhai David lalṭhungpha chunga ṭhunghai le, thiempuhai le, zâwlneihai le, Jerusalem hluotuhai po po chu inruinain ka suksip ding a nih.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 41:5

Mi ṭhenkhat Sekema inthawk dâm, Siloa inthawk dâm, Samaria inthawk dâmin mi sâwmriet zet, an khâkhmul vawa, an puonhai keithlêra, anni le anni chu inât a, an kuta bu thilinhlânhai le riminhnikhai chawiin, Lalpa ina hung inhlân dingin an hung ta a.

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu iengkhawm lova siem a ni ta a; chun, nang le nang ieng chen am în ât ding a na?

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

LEVI DÂN 19:27

I bekbawra inthawkin a vêlin i lu i vaw ding a ni naw a, i khâkhmul a sîrtuokin i tan ding a ni bawk nawh.

LEVI DÂN 19:28

Mithi leiin in taksa in ât ding a ni naw a, in inṭiel ding a ni bawk nawh; Kei hi Lalpa in Pathien chu ka nih.

AMOS 6:11

Ngai ta u, Lalpa chun thu a pêk si a; chun, in lien chu chim rem rum a ta, in chîn khawm chu kak hek huk bawk a tih.

MATTHAI 9:23

Chun, Isu hotu inah a lût a, theihle mûthai le mipui inri mur mur a va hmu chun,

DÂN PAHNINA 14:1

“Lalpa in Pathien nauhai in ni a, mithi leiin in inât ding a ni naw a, in mit inkâr mithmul in vâw kawl ding a ni bawk nawh,

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmu a. Chun, lekhabuhai an phar a,lekhabu dang Hringna bu chu an phar bawk a, mithihai chu lekhabuhaia ziek an thilthaw ang peiin rêlpêkin an um ta a.

THUPUONGSUO 6:15

Chun, hnuoia lal dâm, mi lien dâm, sipai hotu tak dâm, mi hausa dâm, mi hrât dâm, suok le suok naw tinrênghai chu pûka le tlânga lungpuihaia chun an inbih a.