JEREMIA 16:4 - Pathien Lekhabu Inthieng (BSI)

⁴ Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 16:4 ပူးပေါင်းရင်းမြစ်များ

2 LALHAI 9:10

Chun, uiin Jezebel chu Jezreel khaw kul bula chun fâng an ta, a phûmtu ding hrim hrim um naw ni hai,’ tiin,” a ta.

INPÂKNA HLABU 78:64

An thiempuhai chu kâwlhnâma sukthlûkin an um a, An hmeithaihai chu ṭap hrim hrim an ṭap nawh.

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

ISAI 18:6

Chuongchu tlânga vate hnukinrâwlhai le hnuoia sahai ta dingin mâksanin um an tih, chuongchun, vate hnukinrâwlhai chun anni chu nipui sûngin fâng an ta, hnuoia sahai po po chun thlasik sûngin fâng an tih

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 21:6

Chuongchun, hi khawpui hluotuhai ramsa le mihriemhai ngei chu hrem ka ta, hripui nasataka chun thîng an tih.

JEREMIA 25:33

Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 34:20

anni khawm chu an hringna zawngtuhai le, an hmêlmahai kuta chun pêng ka tih; chuongchun, an taksa thihai khawm chu hnuoia ramsahai le chunglêng vatehai ta dinga bu nîng a tih.

JEREMIA 36:30

Chuleiin, Juda ram lal Jehoiakim chungthua chun Lalpa chun hieng hin a tih: David lalṭhungpha chunga ṭhung ding tukhawm nei naw ni a; chun, a taksa thi chu sûnah lumah, zânah zildeiah peihâwn nîng a tih.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:27

Ngai ta u, thil ṭha tiengah ni lovin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwlhnâm dâma anni chu sukbohmang nîng an tih.

JEREMIA 7:33

Chuongchun, hieng mipui ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si naw a.

JEREMIA 9:22

Lalpa chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang si a.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

ZEPHANIA 1:17

Chuongchun, mihriemhai chunga chun rinumna intlungtir ka ta, Lalpa chungah thil an lo suksuol ta leiin mitdelhai angin lâwn an ta, an thisen chu pilvut anga bunthlâk nîng a ta, an taksahai chu êk ang elin.

DÂN PAHNINA 28:22

Lalpain ngawrna dâm, khawsik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

DÂN PAHNINA 28:26

In ruong chu chunglêng vate po po le ramsa po pohai bu nîng a ta, a hnawthmangtu um dêr naw ni hai.