JEREMIA 16:20 - Pathien Lekhabu Inthieng (BSI)

²⁰ Mihriem chun ama ta dingin pathienhai ni si lo, pathienhai chu ân siempêk ding am a nih?

JEREMIA 16:20 ပူးပေါင်းရင်းမြစ်များ

2 LALHAI 19:18

an pathienhai chu meiah an pei bawk hlak a; chuonghai chu pathien an ni naw hrim a, mihriem kuta siem, thing le lung an ni lem a nih; chu lei chun an sukbohmang a nih.

ISAI 36:19

Hamath le Arpadhai pathienhai kha khâw lai am an um ta a? Sepharvaimhai pathienhai kha khâw lai am an um ta a? Samari khuo kha keimaa inthawk khan an sanhim ta am a nih?

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 5:7

Iengtin am ngaidam thei ka ti che a? I thlahai chun an mi nghatsan ta a, pathien ni lohaia chun an inkhâm ta a; khawptaka ka châwm lai khawmin, an uire ta a, nawchizawr inahaia chun a pâwl pâwlin anni chu an inkhâwm tâwl a.

DANIEL 3:1

Lal Nebukadnezzar chun rângkachak milim a siem a, ân sângzie chu tawng sâwmruk a na, a khangtieng chu tawng ruk a nih; Babulon biel sûnga Dura phaizâwla chun ân ngîrtir ta a.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.

GALATI 1:8

Nisienlakhawm, keiniin amanih, vâna inthawka hung ṭum vântirko khawmin amanih, Chanchin Ṭha kan ihril cheu ti lo kha chu chanchin ṭha dang hrim hrim lo hril sien la cheu ṭawngsephurin um raw se.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.