JEREMIA 16:19 - Pathien Lekhabu Inthieng (BSI)

¹⁹ Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 16:19 ပူးပေါင်းရင်းမြစ်များ

1 LALHAI 20:23

Chun, Suria lalhai chun a kuomah, “An pathien hi tlâng pathien a na, chuleiin, eini nêkin an hrât a ni hi, phaizâwlah thaw ta inla, anni nêk chun hrât lem ngei ei tih.

INPÂKNA HLABU 18:3

Inpâktlâk Lalpa chu ko ka ta, Chuongchun, a mi dotuhaia inthawkin sanhimin um ka tih.

INPÂKNA HLABU 19:14

Aw Lalpa ka lungpui le a mîn tlantu, Ka baua thu suokhai le ka lungrila ngaituonahai hi i mithmuah lâwmtlâkin um raw se.

INPÂKNA HLABU 27:5

Lunginzîng ni chun a bûktêah a mi sie hmang âwm si a, A humhimna puon ina chun mi thuphmang a tih; Lungpui chungah mi dawm kai a tih.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 62:2

Ama chau chu ka lungpui le a mi sandamtu a nih; Ka kulbîng insâng a na, nasatak chun inhnîng naw ningah.

INPÂKNA HLABU 62:7

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.

INPÂKNA HLABU 65:3

Rîtlonahai chun a mi hne hlak dea chu, Kan bawsietnahai po chu nangin sâwpfai i tih.

INPÂKNA HLABU 68:31

Aiguptaa inthawkin mi lienhai hung suok an ta, Ethiopiahai chu an kut Pathien tienga phar dingin inhmâwng an tih.

INPÂKNA HLABU 86:9

Aw Lalpa, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 44:10

Tuin am pathien chu ân ngîr chai leh? Annawleh, tuin am ienga ṭhahnem chuong lo milim siem fâwm a sung hrim leh?

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 62:2

Chuongchun, hnam tinin i felna chu hmûng an ta, lal po poin i ropuina chu hmu bawk an tih; chun , hming thar, Lalpa bauin ân put ding chun ko an ti che.

JEREMIA 10:3

Hnamhai dânhai chu teplo mei mei an na; rama inthawkin thing an hang phûr thlûk a, themthiem mi chun a hreipuiin a chei a.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JEREMIA 17:17

Ka ta dingin ṭium ni naw la, ni ṭha nawa chun kân bîk himna i nih.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:8

Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 3:23

Indiktakin muolhaia ṭhangpuina beiseia umhai chu mipui inri mur murhai chu a thlâwn el a nih; indiktakin Lalpa ei Pathiena chun Israelhai sandamna chu a um a nih.”

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

EZEKIEL 11:16

chuleiin, hril la, Lalpa Pathien chun hieng hin a tih; ‘Hnamhai laia inthawka hlataka chun ka lo sawn ta de a, ramhai laia chun anni chu ka lo sukdar ta dea chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

AMOS 2:4

Lalpain hieng ang hin a tih, “Juda bawsietna pathum leiin, anih, pali leiin, a hremna sukbo naw ning; Lalpa dân chu an pawm naw a, a thupêkhai chu an vawng naw a;

NAHUM 1:7

Lalpa chu a ṭha a, lunginzîng nia chun kul nghet a nih, amaa an ringna innghattuhai chu a hriet.

HABAKKUK 3:19

Lalpa, Jehova chu ka hrâtna a na, Ka kehai chu sazukpui kehai angin a siem a, Ama chun ka bâwlhmunhaia chun mîn fetir a tih.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25

Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem si a. A siemtu chu kumkhuoa inpâk tlâk a nih! Amen.

1 PETER 1:18

In thlatuhai ipêk sâwng, in um dân ieng ni barlova inthawk chu, thil se thei, tangka le rângkachaka intlan in ni naw a,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.