JEREMIA 16:13 - Pathien Lekhabu Inthieng (BSI)

¹³ Chuleiin, hi rama inthawk hin nangni le in thlatuhai khawma an hriet ngailo rama chun ka hnawt suok ding cheu a nih; chutaka chun a sûn a zânin pathien danghai rawng bâwl in tih; ditsakna kân hmutir âwm si naw cheu a,’ a tih,” tiin.

JEREMIA 16:13 ပူးပေါင်းရင်းမြစ်များ

2 LALHAI 25:21

Chun, Babulon lal chun Hamath ram, Ribla khuoa chun a lo sukhlum a. Chuongchun, Juda chu a ram sûnga inthawka sala ṭhuoi suokin a lo um ta a.

2 CHANCHIN SUINA 7:20

ram ka ipêk, ka rama inthawkin a zung pumin anni chu phawidawk ka ta, chun, hi in ka hminga ka lo sukthieng ta khawm hi ka hmu phâk nawah sawn hmang ka ta, hnam tin laia chun ti-elna le ṭawngnaa hmang dingin siem ka tih.

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

JEREMIA 10:18

Lalpa chun hieng hin a ti si a: Hieng ang huna hin ram hluotuhai chu the suok ka ta, an tuorna dingin anni chu sukrinum ka tih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 15:14

Chun, i hmêlmahai le ram i hriet ngai nawa chun infetir ka ti che a, ka lunginsen chun mei chu sêm a na, i chungah chawk kumkhuong a tih.

JEREMIA 15:4

Chun, anni chu, Juda lal Hezekia naupa Manasse Jerusalema a thilthawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 16:5

Lalpa chun hieng hin a ti si a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta si a, Lalpa chun a tih, lunginsietna le zângaina innêmtak el chu.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti ni a, ram i hriet ngai lova chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta si a.

JEREMIA 22:26

I piengna ni lo ram dangah nang le i nu a neitu che hi peisuok ka ti cheu a, chutaka chun thîng in tih.

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 5:19

Chun, i mihaiin, “Iengdinga Lalpa ei Pathien chun ei chungah hienghai hi a thaw am a na?” an ti pha chun, hieng ang hin anni chu dawn i tih, “Kei in mi lo nghatsan a, in rama chun pathien danglamhai rawng chu in lo bâwl ta ang khan, ram in ta ni ngai lova chun mi hmêlmakhai rawng chu in bâwl ding a nih,” tiin.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuomah Lalpa chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 29:28

Lalpa lunginsenna nasatak le ṭiumtak lei chun anni chu an rama inthawkin a phâwi dawk a, ram dangah a thelût tâwl a nih, tuta an um dân ang hin,’ la tîng an tih.