JEREMIA 16:12 - Pathien Lekhabu Inthieng (BSI)

¹² in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta naw a;

JEREMIA 16:12 ပူးပေါင်းရင်းမြစ်များ

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

THUHRILTU 8:12

Mi suol chun thil ṭha naw vawi za thawin a dam sûng nihai chu suksei tho sien khawm; matheilovin, Pathien ṭituhai ta ding chun, ama hmaa an ṭi leiin, a ṭha ding a nih ti ka hriet a;

THUHRILTU 9:3

Nisa hnuoia thawa um po po lai hi hi thil suol a nih: mi po po chunga thiltlung hmunkhat vawng a ni hi; anih, mihriem nauhai lungril chu thil ṭha nawa sip a na, an dam lai chun an lungrila chun invêtna a um a, chu hnung hlak chun mithi kuomah an fê ta a.

JEREMIA 13:10

Hi hnam suol ka thu ngai nuom lova, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngarzie ang peiin ei thaw el ding a nih,’ an ta.

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatuhaiin anni an lo inchûktir ta ang khan;

ṬAP HLA 5:7

Kan thlatuhai chu an lo suol ta a, an um ta naw a, Keiniin an khawhlona chu kan phur a nih.

EZEKIEL 20:30

Chuleiin, Israel sûngkuohai kuoma chun hril la, Lalpa Pathien chun hieng hin a tih: In thlatuhai thaw dân ang bawkin nangni le nangni in insukpawrche ding a ni maw? An tirdakumna chu châkin in zâwm ve ding a ni maw?

AMOS 2:4

Lalpain hieng ang hin a tih, “Juda bawsietna pathum leiin, anih, pali leiin, a hremna sukbo naw ning; Lalpa dân chu an pawm naw a, a thupêkhai chu an vawng naw a;

MALAKI 3:7

“In thlatuhai hunhaia inthawkin ka thupêkhaia inthawk chun in inher hmang a, in lo pawm ta naw a. Ka kuomah hung kîr unla, kei khawm in kuomah hung kîr ka tih, sipaihai Lalpa chun a tih. Nangni hlak chun, ‘khâwtieng am hung kîr kan ta?’ in ti lem a.

MARKA 7:21

Sûng tienga um mihriem lungrila inthawkhai chun, ngaituona suol dâm a hung suok hlak nghâl a; inditna dâm, inrûkna dâm, tuolthatna dâm, uirena dâm,

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).

DÂN PAHNINA 9:27

I siehlaw Abraham hai, Isak hai, Jakob hai chu hre zing la, hieng mihai hi an kâwmaw zie dâm, an rîtlozie dâm, an suolziehai dâm ngaimaw naw rawh;

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

RORELTUHAI 2:19

Nisienlakhawm, rorêltu chu a thi phingleh an hnungtawl nâwkin, pathien danghai rawng bâwla chibai bûk dinga zui thuah an thlatuhai nêkin an thaw ṭha naw nâwkzuol a, an thil thaw hlakhai le an lûlulna khawm an bân chuong naw a.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.