JEREMIA 15:9 - Pathien Lekhabu Inthieng (BSI)

⁹ Nau pasari neitunu chu a chau ta a, a chau let dêr a; sûn a ni lai chun a nisa chu a tla ta a; ama chu ân zakin a hamhai a; chun, anni a la mahlahai chu an hmêlmahai kuomah kâwlhnâmah pêng ka tih,” Lalpa chun a tih.

JEREMIA 15:9 ပူးပေါင်းရင်းမြစ်များ

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr lovah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 44:27

Ngai ta u, thil ṭha tiengah ni lovin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwlhnâm dâma anni chu sukbohmang nîng an tih.

JEREMIA 50:12

nangni neitu cheu chu buoi a ta, ngai ta u, hnam po poa hnuoihnung tak, thlalêr le, ram ṭâwl le fienriel hmun nîng a tih.

JEREMIA 6:4

Ama chunga indona ding chu buotsai ro, tho unla, sûn hun laia chun hang thâwng ei tiu. Ei chung a va rik ngei de! ni chu ân hêm ta a, zântieng hlim chu ân khâw ta si a.

JEREMIA 7:19

Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 4:10

Lunginsietna hau nuhmeihai kut chun an nauhai ngei chu an suong a; Ka mihai naunu suksieta a umnaa chun an buhai an nih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

1 SAMUEL 2:5

Khawp hlakhai chu fâk ding zawngin an inhlawfa ta a, Phîngṭâm hlakhai chu an phîng a ṭâm ta naw a; Anih, ching chun pasari a nei ta a, Nau tamtak neinu chu a châu tah,