JEREMIA 15:8 - Pathien Lekhabu Inthieng (BSI)

⁸ Tuisuorieta phaiphin nêk hmanin an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

JEREMIA 15:8 ပူးပေါင်းရင်းမြစ်များ

ISAI 3:25

I mihai chu kâwlhnâma sukthlûkin um an ta, i mi hrâttakhai chu indonaah tlûng an tih.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 4:1

Chun, chu ni chun nuhmei pasariin pasal pakhat chel an ta, “Keini bu fâng kan ta, keini silfên inbel kan tih, i hming chau mîn puttir la; kan hming sie hi mîn khumpêk rawh,” tîng an tih.

JEREMIA 16:3

Hi hmuna pieng naupasalhai chungthu dâm, naunuhmeihai chungthu dâm, hi ram anni chawitu an nu chungthu dâm, anni neitu an pa chungthu dâm chu Lalpa chun hieng hin a lo hril ta si a;

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 22:7

I chunga chun suksetuhai, mi tin el chu mâni hriemhrei seng leh, ka buotsai ding a nih; anni chun i ditthlang sidar dâm chu sât thlâng an ta, meiah tîng an tih.

JEREMIA 4:16

hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

ṬAP HLA 5:3

Fahrahai le pa nei lohai kan na, Kan nuhai chu hmeithai ang an nih.

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

HOSEA 4:5

Sûna chun tlûng i ta, zâwlnei khawm chu i kuomah zânah tlûng a tih; I nu khawm sukbohmang ka tih.

LUKA 21:35

Chuong ang tak chun, hnuoi chung po poa umhai chungah a tlung seng ding a nih.