JEREMIA 15:3 - Pathien Lekhabu Inthieng (BSI)

³ Chun, an chunga tlung dingin thil chi li ruot ka ta; Lalpa chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsahai chu fa zotu ding le suksetu dingin.

JEREMIA 15:3 ပူးပေါင်းရင်းမြစ်များ

INPÂKNA HLABU 68:23

I ke chu thisena i phûm thei a, I ui leihai chun i dohaia inthawk chan a nei theina dingin,” a ta,

ISAI 18:6

Chuongchu tlânga vate hnukinrâwlhai le hnuoia sahai ta dingin mâksanin um an tih, chuongchun, vate hnukinrâwlhai chun anni chu nipui sûngin fâng an ta, hnuoia sahai po po chun thlasik sûngin fâng an tih

JEREMIA 12:9

Ka rochan chu ka ta ding chun vate ṭiel sa fa mi ang a ni a ni ta maw? A sîr vêl tina chun vate sa fa mihai chu an um a ni maw? Nang va fe la, ramhnuoia ramsahai po po chu kei khâwm la, fa zo dingin hung ṭhuoi rawh.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni si a.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 7:33

Chuongchun, hieng mipui ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si naw a.

ṬAP HLA 3:11

Ka lampuihai chu a herkâwi a, a mi keinâwi vawng a; râusanin a mi siem ta a.

EZEKIEL 14:21

Lalpa Pathien chun hieng hin a ti si a; ‘Ka rorêlna natak palihai kâwlhnâm, ṭâmna, ramsa tuorhlaumhai le hripuihai hi Jerusalem chunga, amaa inthawka ramsa mihriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 33:27

Hieng hin an kuoma chun hril rawh; Lalpa Pathien chun hieng hin a tih: Ka hring zing angin, chuong hmun se taa umhai chu kâwlhnâmah tlûng an ta, rama umhai chu ramsahai kuomah fâk zo dingin ka pêk ding a nih; chun, kul det le pûka umhai chu hripuiin thîng an tih.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

AMOS 5:19

Sakeibaknei mâksan a, savawm intuokpui mi ang le, ina lût a, bang chunga kut innghat a, rûlin a chuk ang chu a nih.

DÂN PAHNINA 28:26

In ruong chu chunglêng vate po po le ramsa po pohai bu nîng a ta, a hnawthmangtu um dêr naw ni hai.

DÂN PAHNINA 32:24

Phîngṭamin inrâwp an ta, meipui le sietna namên lovin kâng hmang an tih; An chungah ramsa hahai tir ka ta. Pilvuta invâk mihai tûr leh.

THUPUONGSUO 6:8

Chuongchun, ka hang en a, chun, ngai ta, sakawr dâng ka hmu a; a chunga chuong hming chu Thina a na; chun, Mithi Khuoin a hung zui a. Chun, kâwlhnâm dâm, ṭâm dâm, hri dâm, hnuoia sahrânghaia sukhlum dingin chuonghai kuoma chun hnuoi hmun lia ṭhea hmunkhat chunga thuneina pêk a nih.