JEREMIA 14:7 - Pathien Lekhabu Inthieng (BSI)

⁷ Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 14:7 ပူးပေါင်းရင်းမြစ်များ

EZRA 9:15

Aw Lalpa, Israel Pathien, nang chu în dik a, a suok a mahla chu i mi lo hlapêk ta si a, vawisûn ni ang chen khawm hin: ngai ta, kan khawhlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si naw a,” tiin.

INPÂKNA HLABU 115:1

Aw Lalpa, keini mi pe lovin, keini mi pe lovin, I hming chu ropuina pe lem rawh, I ngilneina le i thutak leiin.

INPÂKNA HLABU 25:11

Aw Lalpa, i hming leiin, Ka rîtlona ngaidam la, nasatak a ni si a.

INPÂKNA HLABU 79:9

Aw Pathien a mi sandamtu, i hming ropuina dingin mi ṭhangpui la, I hming leiin mi sanhim la, kan suolhai hi hung sâwp fai rawh.

ISAI 48:11

Keima le keima leiin, anih, keima le keima lei ngawtin a nih ka thaw ding chu; ka hming hi ieng dingin am suksietin um a ta? Ka ropuina hi mi dang kuomah pe naw ning ah.

ISAI 59:12

Kan bawsietnahai hi i hmaah a pung ta si a; kan suolnahai hin a mi hêk hlak a nih: kan bawsietnahai hi kan kuomah a um zing si a, kan khawhlonahai chu kan hriet a nih:

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka ti a.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 3:6

Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

JEREMIA 5:25

In suolnahai chun hieng thilhai hi a hnawt hmang a, in suolnahai chun nangnia inthawk chun ṭhatnahai chu a chelkîrpêk cheu a ni hi.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thaw a, ka kut chu ka keitîm ta a.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnamhai mithmua, hrilsiet ka ni nawna dingin, ka thaw a.

HOSEA 5:5

Israel sawngtawlawi chun a hmai sanah ân hriettir a, Chuongchun, Ephraim le Israel chu an khawhlonaa chun tlûng an ta; Juda khawm anni lai tlu vêng a tih.

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, Lalpa an Pathien tieng chu an ngha naw a, Ama chu an zawng bawk nawh,

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

EPHESI 1:12

keini Krista lo beisei hmasatuhai hi a ropui inpâkna kan lo nina dingin.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi Lalpa ithaw a ni tawp nawh,’ hmêlma lunginsen chun tîng an tih ti ṭi naw lang chu.

JOSUA 7:9

Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.