JEREMIA 14:21 - Pathien Lekhabu Inthieng (BSI)

²¹ Nangma hming leiin keini chu mi hmusit naw la, i ropuina lalṭhungpha chu sukhmaimâwk naw rawh; keini le i thuthlung kha hre zing la, sukse naw rawh.

JEREMIA 14:21 ပူးပေါင်းရင်းမြစ်များ

INPÂKNA HLABU 106:40

Chuleiin, Lalpa lung chu a mihai chungah ân thawk a, A rochan chu a tirdak ta a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 145:11

I ram ropuizie thu hrilin, I thilthawtheina thu chu thusimah la hmang an tih.

INPÂKNA HLABU 25:11

Aw Lalpa, i hming leiin, Ka rîtlona ngaidam la, nasatak a ni si a.

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 17:12

A tira inthawka lalṭhungpha ropui chungtienga inṭhuta um chu, chu chu ei hmun inthieng hmun chu a nih.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

ṬAP HLA 2:20

En ta, Aw Lalpa, ngai ta, hienga an kuoma i thawnahai hi! Nuhmeihai chun an rîla ra, naupanghai, kuta tâwma umhai chu, an fâk el ding maw? Lalpa hmun inthienga chun zâwlnei le thiempu chu that an ni el ding maw?

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thaw a, ka kut chu ka keitîm ta a.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 39:25

“Chuleiin, Lalpa Pathien chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

EZEKIEL 43:7

ka kuoma chun, “Mihriem naupa, hi hi ka lalṭhungpha hmun le ka kehai innghatna hmun, Israel thlahai kuoma chatuona ka chêngna ding chu a ni hi. Israel sûngkuo chun ka hming inthieng chu sukpawrche ta naw ni hai a, anni khawmin, an lalhai khawm, an hurnain amani, an bâwlhmunhaia an lalhai ruonghai khawmin amanih sukpawrche naw ni hai,

DANIEL 9:7

Aw Lalpa, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

LEVI DÂN 26:11

Nangni lai ka biekbûk chu inumtir ka ta, ka hringna chun hnungnghat naw ni cheu.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

LUKA 1:72

Ei thlâtuhai kuoma a ngilneina suklang a lo tiem thu le, A thuthlung inthieng hre zing dingin,

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

EPHESI 2:7

Chuongchun, hun la hung tlung dinghaia chun Krista Isua hin ei chunga ngilneiin, a lunginsietna nasatzie chu inentir thei a tih.

DÂN PAHNINA 32:19

“Chu chu Lalpain a hmu a, a theida a, A naunu le naupasalhai isuklungsenna leiin.

THUPUONGSUO 11:2

Biekin puotienga inhuonna sûng tuollai ruok chu inkhi sa naw, chu chu Jentailhai kuoma pêk a ni ta si a; anni chun khaw Inthieng chu thla sawmli pahni sir dêng an tih.

1 SAMUEL 12:22

A hming ropuitak lei hin Lalpa chun a mihai chu a nghatsan âwm si naw a, a mihai ni dinga siem cheu chu Lalpa lâwm zâwngtak a ni si a.