JEREMIA 14:20 - Pathien Lekhabu Inthieng (BSI)

²⁰ Aw Lalpa, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta si a.

JEREMIA 14:20 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “Lalpa chungah thil ka lo suksuol tah a nih,” a ta. Chun, Nathan chun David kuomah, “Lalpa khawma i suol chu a sie hmang ve ta a; thi naw ti nih.

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun Lalpa kuomah, “Ka thilthawa hin nasatakin ka lo suol tah a nih; nisienlakhawm, tuhin aw Lalpa, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

NEHEMIA 9:2

Chun, Israel hnam chu hnam danghai laia chun an insuktum a; an ngîr a, an suolnahai le an pi le puhai bawsietna thupha an chawi a.

JOB LEKHABU (THE BOOK OF JOB) 33:27

Mihai hmaa chun hla sak tâng a ta; ‘Ka lo suksuol ta a, ân dik chu ka lo fe hmangsan ta a, Anachu a mi hung thung kher naw a:

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

ṬAP HLA 1:20

Ngai ta, aw Lalpa, rimsiin ka um hi; ka phîng sûng a buoi zo tah; Ka lung chu ka sûnga chun ân her a, khawhlotakin ka lo hel ta si a; Kawtthlêra chun kâwlhnâm chun a sukfahra a, ina chun thina a um a.

ṬAP HLA 3:42

Kan bawsiet a, kan hel ta a, nang chun i mi ngaidam naw a.

ṬAP HLA 5:7

Kan thlatuhai chu an lo suol ta a, an um ta naw a, Keiniin an khawhlona chu kan phur a nih.

DANIEL 9:15

Tuhin, aw Lalpa kan Pathien, Aigupta rama inthawka i mihai kut hrâttak leh hung ṭhuoi suoka, vawisûn ni chena hming inthangna changtu, kan lo suksuol ta a, rilotakin kan lo thaw tah a nih.

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.