JEREMIA 14:2 - Pathien Lekhabu Inthieng (BSI)

² Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 14:2 ပူးပေါင်းရင်းမြစ်များ

JOB LEKHABU (THE BOOK OF JOB) 34:28

Chuongchun, mi rimsi khêk ri chu ama kuom an intlungtir a, Chun, ama chun sukrimsia um khêk ri chu a lo hriet a.

INPÂKNA HLABU 144:14

Ei bâwng ruolhaiin tê pâia nei ṭeuin, Te insietna le hlawsamna hrim a um naw phâleh, Ei kawtthlêrhaia beidawng khêk râwl hrim hrim a um dêr naw pha chun:

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 24:11

Uoin leiin kawtthlêrahai chun ṭap ri a um a, hlimna po po sukthimin a um a, hi ram hlimna hi a bo tah.

ISAI 24:4

Hnuoi hi a ṭapin a ṭuoi a, khawvêl hi a ṭuoiin a châu a, hnuoia mi chunghnunghai chu an châu ie.

ISAI 24:7

Uoin thar chu a ṭap a, grêphrui chu a châu ie, lungrila hlim po pohai chu an inrûm ie.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 33:9

Ram chu a ṭapin a châu a; Lebanon chu ân zakin a vuoi a, Saron chu thlalêr ang a ni tah; Basan le Karmel chun an hnahai an thin thlâk a.

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 12:11

Râusanah an siem ta a; râusana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni ta a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 18:22

An chunga sipai ruol i hung ṭhuoi thut pha chun, an inhaia inthawk chun ṭap hriet ni raw se, kei mi manna dingin khur an cho a, ka kehai ta ding chun châng an kam si a.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

ṬAP HLA 2:8

Lalpa chun Zion naunu kul chu suksiet a tum ta a; Rînin ân khi vawng ta a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

ṬAP HLA 5:10

Kan vun chu ṭâmna kâng lumna lei chun, Meithuk ang elin a lum a.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuipuia ngahai chenin lâk hmang nîng an tih.

JOEL 1:10

Lo chu suksiet a na, ram chu a lungngai a, bu chu suksiet a na, uoin thar chu a kang a, hriek khawm chu a chau a.

JOEL 1:11

Aw, nangni lo neituhai, inzak unla, nangni grêp hrui enkawltuhai, bupui le buṭei leiin khêk rak rak ro; loa bu sîk ding chu a bohmang ta si a.

JOEL 1:14

Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

JOEL 2:6

An hmaa mipuihai chu an thlaphâng a, an hmêlhai chu a hung dâng vawng ta a.

HAGGAI 1:11

Hnuoi chunga dâm, tlânghai chunga dâm, buvui chunga dâm, uoin chunga dâm, hriek chunga dâm, leihnuoiin a hung insuotir taphawt le, mihriemhai chunga le, bâwng ruol chunga le, kut sininrim ra suok po po chunga chun khuo ka sukṭhâl a nih”, tiin.

ZEKARIA 7:13

Chun, ama a khêk laiin an ngai naw a; chuongchun, anni chu khêk an ta, kei khawma ngai naw ningah, sipaihai Lalpa chun a tih.

1 SAMUEL 5:12

A thi mahlahai khawm chu pânsiein an na tâwl a; chuongchun, chu khaw khêkri chun vân khi a hang tlung hiel a nih.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.