JEREMIA 14:16 - Pathien Lekhabu Inthieng (BSI)

¹⁶ Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni si a.

JEREMIA 14:16 ပူးပေါင်းရင်းမြစ်များ

THUVARHAI 1:31

Chuleiin, anni lampui rasuok ngei chu fâng an ta, An thiltumhai ngeia suksip ni tâng an tih.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 20:6

Chun, nang Pashur le i ina chênghai po po chu sala ṭhuoiin um in ta; Babulona chun fêng i tih; chutaka chun thîng i ta, chutaka phûm chu nîng i ta, nang le i ruolhai po po an kuoma thu indik lotaka i lo hril hlakhai le chun,” tiin.

JEREMIA 27:15

Lalpa chun a tih: Anni chu ka tir si naw a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha si a; i lung chen a tlung ta si a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 7:33

Chuongchun, hieng mipui ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si naw a.

JEREMIA 8:1

Chu huna chun, Lalpa chun a tih: Juda lalhai ruhai, a rorêltuhai ruhai, thiempuhai ruhai, zâwlneihai ruhai, Jerusalem hluotuhai ruhai chu an thlânhaia inthawkin hung la suok an ta,

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

JEREMIA 9:20

Aw nangni nuhmeihai, Lalpa thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

JEREMIA 9:22

Lalpa chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

EZEKIEL 39:14

Chun, ram chu sukfai dinga ram fang suok a, ruong phûm lova umhai phûm dinga sina nei ding mi ruot hran an ta, anni chun thla sari tâwpah zawng ṭan an tih.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

THUPUONGSUO 16:1

Chun, pindan sûngrila inthawk chun rawl inringtakin, vântirko pasarihai kuoma chun, “Fe unla, Pathien lunginsenna berbuhai chu hnuoiah bunthla ro,” a ti ka hriet a.