JEREMIA 13:23 - Pathien Lekhabu Inthieng (BSI)

²³ Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

JEREMIA 13:23 ပူးပေါင်းရင်းမြစ်များ

2 LALHAI 17:40

Iengtin khawmin an pawm nuom chuong naw a, kha hmaa an thaw dân angin an la thaw zing a.

THUVARHAI 27:22

Bu lai fahrelin sumah invêt chu suk rak la khawm, Ân vêtna chu amaa inthawk chun inkieng chuong naw nih.

THUHRILTU 1:15

A kâwi ta hlak chu siem tlûn thei a ni naw a, Chun, a um naw hlak tiem el thei a ni hliek naw a.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 2:22

Changalin în sâwp a, sâbawn tamtak i hmanga chu, i suolna chu ka hmaa chun a la chieng rawp a nih, Lalpa Pathien chun a tih.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir ta a; thil suol thaw dingin anni le anni chu an insuklungzîng a.

1 SAMUEL 19:21

Chu chu Saula an hang hril chun, mi dang a tir nâwk a, anni khawm chun thu an va hril ve ta duol duol el a.