JEREMIA 13:18 - Pathien Lekhabu Inthieng (BSI)

¹⁸ Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi ta a, in ropuina lallukhum ngei chu.

JEREMIA 13:18 ပူးပေါင်းရင်းမြစ်များ

2 LALHAI 24:12

chuongchun, Juda lal Jehoiakin chu a nu hai dâm, a mihai dâm, a milienhai dâm, a upahai le chun Babulon lal kuomah an va suok a, chun, ân lal kum riet kumin Babulon lal chun a man ta a.

2 LALHAI 24:15

Chun, Jehoiakin chu Babulonah a ṭhuoi a; chun, lal nu hai, lal nuhmei hai, a upahai dâm, chu rama mihrâthai chu Jerusalema inthawkin Babulonah salah a ṭhuoi a.

2 CHANCHIN SUINA 33:12

Chuongchun, rimsitaka a hung um huna chun Lalpa a Pathien chu a zawng a, a thlatuhai Pathien hmaa chun ama le ama chu nasatakin ân sukhnuoi ta a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:23

A pa Manasse ân sukhnuoi ta ang khan ama hi chu Lalpa hmaa chun ân sukhnuoi ve naw a; chuongchun, hi Amon hi chu a suol nasa deu deu ta a.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

FESUOKNA 39:28

puonzai inhmi lukâwm, puonzai inhmi lukhum, puonzai inhmi kawpin puonzai inhmi kekawr hnuoihai,

THUVARHAI 27:24

Hausaknahai hi kumkhuoa ding a ni naw a, Lallukhum khawm hin suon po po chu a dai hlak am a nih?

ISAI 3:20

lucheina dâm, kebun khaidiet dâm, kâwngkhi dâm, riminhnik bâwm dâm, inkhitna dâm chu;

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

JEREMIA 22:26

I piengna ni lo ram dangah nang le i nu a neitu che hi peisuok ka ti cheu a, chutaka chun thîng in tih.

JEREMIA 29:2

(lal Jekonia le lalnu nu le, mi tillâkhai le, Juda ram le Jerusalema lalhai le, mi themthiemhai le, thîrsuhai leh Jerusalem an suoksan hnung chun a nih).

JEREMIA 36:16

Chun, chuong thuhai po po chu an hriet chun, anni le anni chu an inṭi tuo seng ta a, chuongchun, Baruk kuoma chun, “Hieng thuhai po po hi lal chu hril ngei ngei kan tih,” an ti a.

ṬAP HLA 1:6

Zion nâunua inthawk chun a lal nina po po a fe hmang a, A lalhai khawm sakhi hlo petna ding hmu lohai ang an ni zo a; Anni hnawttuhai hmaa chun hrâtna neilovin an tlân a.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

ṬAP HLA 5:16

Kan lua inthawk lallukhum chu a tla a, Kan chung a va rik de! kan lo suol ta si a.

EZEKIEL 16:12

Chun, i hnârah hnârbê le, i nahaia chun nabêhai le, i lu chungah lukhum mawitak ka sie a.

EZEKIEL 21:26

Lalpa Pathien chun hieng hin a tih: Lallukhum chu sawn la, lallukhum chu la hmang rawh; hi hi a pângngai zing ni ta naw ni; ân hnuoi chu chawisâng la, ân sâng chu sukhnuoi rawh.

EZEKIEL 24:17

Inthuok huoi la, amiruokchu, inring lovin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

EZEKIEL 24:23

In lu haia chun in lukâwmhai chu kâwm in ta, in kekawkhai chu in kehai chun bun in ta; ṭap naw ti niu a, sûn bawk naw ti niu; amiruokchu, in suolnaa chun riral lem in ta, insûntuo lem in tih.

EZEKIEL 44:18

An luhaia chun puonzai inhmi lukâwmhai kâwm an ta, an kâwnga chun puonzai inhmi kekawrhai bun bawk an ta. Thlan suksa thei chi hrim hrimin an inhrên ding a ni nawh.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw ta a, ân lalna lalṭhungphaa inthawk chun sie hnuoiin a um ta a, amaa inthawk chun a ropuina chu an lâk hmang a,

JONA 3:6

Chuong thu chu Ninevi khaw laltak nahrietah a hung tlung ta a, a lalṭhungphaa inthawk chun a tho a, a lal puon chu a hlîp thlâk a, saiip puon a sil a, vut lai a ṭhung ta a.

MATTHAI 18:4

Chuongchun, tukhawm hi naupangte anga inngaitlâwm taphawt, ama chu vân rama chun ropuitak a tih.

JAKOB 4:10

Lalpa mithmuin inngaitlâwm ro, chuongchun, chawimawi a ti cheu.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,