JEREMIA 13:16 - Pathien Lekhabu Inthieng (BSI)

¹⁶ Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 13:16 ပူးပေါင်းရင်းမြစ်များ

JOB LEKHABU (THE BOOK OF JOB) 3:5

Inthimna le thina hlim chun anni ta ngeiah hau sienla, A chungah sûm zîng tlat raw se; Ni inthimna chun suklâu raw hai se.

INPÂKNA HLABU 107:10

Inthim hnuoia le thina hlima ṭhung a, Rinumna le thîra khuophai chu;

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan ta a.

INPÂKNA HLABU 29:2

Lalpa kuomah a hming ropuina chu pe unla, Inthieng mawina inbelin Lalpa chu chibai bûk ro,

INPÂKNA HLABU 44:19

Nangin sihalhai umnaa mi sawisa hrepa, Thina deihlima an mi khumna dingin.

FESUOKNA 10:21

Lalpa chun Mosie kuomah, “Aigupta ram chunga inthimna, inmaia inmaina khawp hielin inthimna a hung um theina dingin i bân phar rawh,” a ti a.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

THUHRILTU 11:8

Anih, mi chu kum tamtak a dam chun, chuonga po po chun ama chu hlim raw se; amiruokchu, inthim lai nihai chu hre zing raw se, tamtak an ni ding a ni si a. Chuong a hung tlunghai po po chu teplo el a nih.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

ISAI 59:10

Mitdel angin bang ei themmai zut zut hlak a, anih, mit nei nawhai angin ei themmai hlak; thimbut ang elin sûnah ei insui hlak a; mi hrâthai lai chun mithi ang el ei nih.

ISAI 59:9

Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienlakhawm, ngai ta, inthim a hung ni hlak; varna ei nghâk hlak a, nisienlakhawm, inthim mupa bawk ei fe hlak.

ISAI 60:2

Ngai ta, inthimin leihnuoi hi ân khum ding a ni si a, inthim sâmupin mihai ân khum bawk ding a nih: nisienlakhawm, Lalpa chu i chungah hung suok a ta, a ropuina chu i chungah lân lang a tih.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

JEREMIA 23:12

Chuleiin, an lampui chu an ta dingin inthim laia hmun innâltak ang chu nîng a ta; hnawtin um an ta, chutaka chun tlûng an tih, an chunga chun thil ṭha naw, anni hremna kum ngei chu ka hung intlungtir ding a ni si a, Lalpa chun a tih.

JEREMIA 4:23

Leihnuoi chu ka en leh, ngai ta, a ruok le a sie a na; vânhai khawm chun varna an nei naw a.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

JEREMIA 6:21

Chuleiin, Lalpa chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupasalhai chu insuithlu hmunkhat an ta; tuolbâwm le a ruol khawm chu bohmang bawk an tih.

JEREMIA 8:15

Thlamuongna ding ei enkai hlak a, nisienlakhawm, thil ṭha hrim a hung tlung naw a; sukdamna ding huna dâm chun, ngai ta, beidawngna lem!

ṬAP HLA 4:17

Ei ṭhangpuina thlâwn ennain ei mithai a kham zo a, Ei nghâknaa chun hnam sandam thei lo ding chu ei nghâk a.

EZEKIEL 21:15

An dâi kawtkhârhai po poah chun kâwlhnâm inzum chu kân nghat a, an lungrilhai chu a hung intui a, mi tamtak an tlûk theina dingin. E, kâwlinlep anga siem a ni chu aw! dettaka chel a ni ta a.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

EZEKIEL 36:15

chun, hnamhai inzakna chu inhriettir ta ngai bawk naw ning che a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa Pathien chun a tih,” tiin.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

AMOS 5:18

Lalpa ni dittuhai, in chung a rik ie! Iengdinga Lalpa ni chu in dit am a na? Var ni lovin inthim a ni lem.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

1 PETER 2:8

“Tlûkna lung le dangna lungpui leh,” Thu chu an awi naw leiin an tlu si a, chuong anga um dinga ruot an ni hrim bawk a.

1 SAMUEL 6:5

Chuleiin, in pânsie limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.