JEREMIA 13:14 - Pathien Lekhabu Inthieng (BSI)

¹⁴ Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 13:14 ပူးပေါင်းရင်းမြစ်များ

2 CHANCHIN SUINA 20:23

Moab le Ammon mihai chu Seir tlâng khuo deltuhai chu that vawng a, anni sukbohmang dingin an hung tho ta a; chun, Seir tlâng hluotuhai an hung sukrêm hnunga khawm chun, mi tin chu mi dang dang insukbohmangtuo an tum seng ta a.

JOB LEKHABU (THE BOOK OF JOB) 27:22

Pathien chun ama chu pei thlâng a ta, hla naw ni, A kuta inthawkin thinthla hmang a tih.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

JEREMIA 15:5

Aw Jerusalem, tuin am i chungah lunginsietna nei a ta? Tuin am an sûn ding che a ni leh? Annawleh, i hamṭhatna ding thu hni dingin tu am hnungkîr an ta?

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 16:5

Lalpa chun hieng hin a ti si a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta si a, Lalpa chun a tih, lunginsietna le zângaina innêmtak el chu.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 25:16

Chun, dâwn an ta, hnungtieng hmatieng insâwn an ta, invêt an tih; anni laia kâwlhnâm ka tir ding lei chun,” tiin.

JEREMIA 47:3

A mi hrâthai ketin tet rîka le, a sakawr tawlailîrhai tlân rîka le, tawlailîr kehai innâwt rîka chun pahai chu an ṭi a, an nauhai enkai theilo lêkin an kuthai a zawi thla a;

JEREMIA 48:12

“Chuleiin, ngai ta u, nihai chu a hung tlung mêk, Lalpa chun a tih; ama kuoma chun bunthlatuhai chu tir ka ta, anni chun ama chu bunthlâng an tih, a bûrhai chu sukruok an ta, a bûrhai chu suknawi dar an tih.

JEREMIA 6:21

Chuleiin, Lalpa chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupasalhai chu insuithlu hmunkhat an ta; tuolbâwm le a ruol khawm chu bohmang bawk an tih.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

EZEKIEL 7:3

Tuhin tâwpna chu i kuoma chun a um a, i chunga chun ka lunginsenna chu ka hung tir ding a nih; i umdânhai ang peiin i chungthu rêl ka ta, i tirdakumnahai leiin hrem ka ti che.

EZEKIEL 7:4

Ka mit chun hla naw ni che a, lunginsietna khawm nei naw ning che; nisienlakhawm, i um dânhai leiin hrem ka ti che, i tirdakumna chu nangmaah a um si a; chun, Lalpa chu ka nih ti mi hre tâng i tih.

EZEKIEL 7:9

Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei Lalpa hin ka hrem che a nih ti hre tâng i tih.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

EZEKIEL 9:10

Chuongchun, keia ta ding khawma, ka mitin hla naw ni a, lunginsietna nei bawk naw ning, amiruokchu, an suol man chu an lu chungah innghat lem ka tih,” a ta.

EZEKIEL 9:5

Chun, mi dang kuoma khawm keia hrieta chun, “Ama hnunga chun khawpui chu va fang la, va sukhlum rawh; i mitin hla naw sienla, lunginsietna nei bawk naw rawh;

HOSEA 2:4

A nauhai khawm lainat naw ning, Nawchizawr nauhai an ni si a.

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

MATTHAI 10:21

“Chun, sukhlum dingin unaupa le unaupa inmantir an ta, pa khawmin a nau inmantir bawk a tih; nauhai khawmin an nu le pahai do an ta, insukhlumtir bawk an tih.

MARKA 13:12

Chun, sukhlum dingin unau khawm inmantir an ta, pa khawmin a nau inmantir bawk a ta, nauhai khawmin an nu le pahai do an ta, insukhlumtir bawk an tih.

DÂN PAHNINA 29:20

Lalpa chun ngaidam dêr naw ni a, Lalpa lunginsenna le a thîkna chun, chu mi chu ur a ta, hi lekhabua ṭawngsie um po po hi a chungah um a tih; Lalpain vân hnuoia inthawkin a hming chu thaihmang lem a tih.

1 SAMUEL 14:16

Chun, Benjamin ram Gibeaa Saula râl vêngtuhai chun an hang thlîr vêl a, ngai ta, mipuihai chu an ṭe dar hum hum a, khingtieng khingtiengah an invâk nuoi nuoi el a.