JEREMIA 13:13 - Pathien Lekhabu Inthieng (BSI)

¹³ Nang chun an kuoma chun, Lalpa chun hieng hin a tih: Ngai ta u, hi ram hluotuhai hi, lalhai David lalṭhungpha chunga ṭhunghai le, thiempuhai le, zâwlneihai le, Jerusalem hluotuhai po po chu inruinain ka suksip ding a nih.

JEREMIA 13:13 ပူးပေါင်းရင်းမြစ်များ

INPÂKNA HLABU 60:3

I mihai hi thil inkhawtakhai în tuoktir a, Pêmna uoin chu i mîn dâwn tir ta a.

INPÂKNA HLABU 75:8

Lalpa kuta chun no a um si a, a uoin chu a phul a, Thil dang le chawkpawlin a sip a, chutaka inthawk chu a bunsuok a. Matheilovin a nenghai chen chun hnuoia mi rilohai chun dâwn fai rêt an tih.

ISAI 29:9

Ngîr zing unla, makti ro, nuomtâwl unla, mitdelin um ro; an inrui a, nisienlakhawm, uoin lei a ni nawh; an pêm an pêm a, nisienlakhawm, zu lei a ni nawh.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 51:17

Aw Jerusalem, Lalpa kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 51:21

Chuleiin, nang sukrinum le uoin inrui ni si lova mi inrui, hi hi lo hre ta rawh:

ISAI 63:6

Chuongchun, mi tin chu ka lunginsenin ka sirde a, ka lunginsenin ka sukrui a, an hringna thisen chu hnuoiah ka bunthlâk tah.

JEREMIA 13:12

Chuleiin, an kuoma chun hi thu hi hril i tih: Lalpa, Israel Pathien chun hieng hin a tih: Savunpeng tin chu uoina suksip nîng a ta, chun, i kuoma chun, “Savunpeng tin chu uoina suksip nîng a tih, ti hi kan hriet naw a ni maw?” tîng an ta.

JEREMIA 25:27

Chun, an kuoma chun hieng hin tîng i ta: Israel Pathien, Lalpa chun hieng hin a tih: Dâwn unla, inrui unla, inluok unla, tlu unla, tho nâwk ta naw ro, nangni laia kâwlhnâm ka hung tir ding lei chun.

JEREMIA 25:29

Ngai ta, ka hming chawia khawpui inbûka uma chun thil ṭha naw ka thaw ṭan ta si a, hrem dêr lovin in um ding maw? Hrem lo ni naw ti niu; hnuoi hluotuhai po po chunga chun kâwlhnâm kân lêngtir ding a ni si a, sipaihai Lalpa chun a tih.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

JEREMIA 51:7

Babulon chu Lalpa kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn ta a; chuleiin, hnamhai chu an invêt a nih.

HABAKKUK 2:16

Ropuina dinga inzaknaa suksip i ni ta a, Nang khawma dâwn la, saruok chu ni el rawh! Lalpa kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!