JEREMIA 13:11 - Pathien Lekhabu Inthieng (BSI)

¹¹ Hrênpuon chu mi kâwnga a kawp tlat angin, Juda sûngkuo po po le Israel sûngkuo po po chu keimaa kawp tlat dingin ka siem an nih, Lalpa chun a tih: keia ta dinga mihai an ni a, hming an ni a, inpâkna an ni a, ropuina an ni theina dingin, nisienlakhawm, an ngai si naw a.

JEREMIA 13:11 ပူးပေါင်းရင်းမြစ်များ

INPÂKNA HLABU 135:4

Lalpa chun Jakobhai hi ama ta dingin a thlang si a, Israelhai hi a ro bik dingin a thlang bawk a.

INPÂKNA HLABU 147:20

Ama chun ieng hnam chunga khawm chuong ang chun a thaw ngai nawh: A rorêlhai hlak chu an hriet bawk nawh. Lalpa chu inpâk ro.

INPÂKNA HLABU 81:11

Nisienlakhawm, ka mihai chun ka râwl an ngai si naw a; Israelhai chun an mi dit naw kha.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

JEREMIA 13:1

Lalpa chun ka kuomah hieng hin a tih: “Fe la, puon zai inhmi hrên i ta dingin inchaw la, i kâwngah hrên la, tuia chun sukhu naw rawh,” a ta.

JEREMIA 13:10

Hi hnam suol ka thu ngai nuom lova, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 13:12

Chuleiin, an kuoma chun hi thu hi hril i tih: Lalpa, Israel Pathien chun hieng hin a tih: Savunpeng tin chu uoina suksip nîng a ta, chun, i kuoma chun, “Savunpeng tin chu uoina suksip nîng a tih, ti hi kan hriet naw a ni maw?” tîng an ta.

JEREMIA 19:15

“Sipaihai Lalpa Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 32:20

ama chun vawisûn ni chen hin Aigupta rama chun inchiknahai le thilmakhai chu a thaw a, Israel rama le mi danghai kuoma khawm; vawisûn nia ang hin ama chun hming a siempêk che a.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 6:17

nisienlakhawm, “Chu chu hraw naw ning ungah,” an ti a. Chun, in chunga chun vêngtu ka sie a, “Tawtawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an ti a.

JEREMIA 7:13

Chun, tuhin Lalpa chun, ‘Hieng thilhai po po hi in thaw ta leiin, inhmataka thoa thu hrilin, in kuoma ngei chun thu ka lo hril ta a; nisienlakhawm, in ngai si naw a; ka ko cheu a, in mi dawn naw a;

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

AMOS 3:1

Aw, Israel nauhai, Aigupta rama inthawka ka ṭhuoi suok sûngkuohai, Lalpain hienga a sawisêlna cheu hi lo ngai ta u.

LUKA 10:11

‘In khaw pilvut kan kephaa kai khawm hi in chungah kan hrûk fai hi; nisienlakhawm, Pathien ram in kuomah a hung tlung tah ti hi hre ro,’ ti ro.

DÂN PAHNINA 26:18

chun, vawisûn hin a tiem ta cheu ang khan, a thupêkhai po po chu in zâwm a, ama chanpuol bîk ni ding le

DÂN PAHNINA 26:19

a lo hril ta anga Lalpa in Pathien ta dinga mi inthieng in ni theina ding le hnam a siem po po laiah a bîka inpâk dâm, hming ṭhat dâm, chawimawi dâm hlaw dingin Lalpain a thlang cheu a nih,” tiin.

DÂN PAHNINA 4:7

Ei ko taphawta Lalpa ei Pathienin a mi hnai anga anni hnai hlak pathien nei hnam ropui tu am an um ve a?

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.