JEREMIA 13:10 - Pathien Lekhabu Inthieng (BSI)

¹⁰ Hi hnam suol ka thu ngai nuom lova, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 13:10 ပူးပေါင်းရင်းမြစ်များ

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 11:18

Lalpa chun chu chu a mîn hriettir a, ka hriet ngei a; chun, nang chun an thilthawhai chu i mîn entir a.

JEREMIA 13:7

Euphrates vadunga chun ka va fe a, ka cho a, ka thupna hmuna inthawk chun hrên chu ka lâk ta a; chun, ngai ta, hrên chu a lo inek ta a; iengakhawm ṭhangkai a ni ta naw a.

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta naw a;

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 20:4

Lalpa chun hieng hin a ti si a: Ngai ta, i ruolhai le nangma ngei ta dingin ṭiumah ka siem ding che a nih; chun, an hmêlmahai kâwlhnâma ngei chun tlûng an ta, chu chu i mit ngeiin hmûng i tih; chun, Juda ram po po chu Babulon lal kutah pêng ka ta, ama chun Babulon tieng salah ṭhuoi a ta, kâwlhnâmin anni chu that a tih.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i ti a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 23:17

Lalpa thuhai hmusittuhai kuoma chun, Lalpa chun, ‘Thlamuongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 44:16

“Lalpa hminga kan kuoma i thuhril chungthua chun, i thu chu ngai naw ning ungah.

JEREMIA 44:5

Nisienlakhawm, an ngai naw a, Pathien danghai kuoma riminhnik rawa an khawhlonahai chu nghatsan dingin an nahai khawm an sit naw a:

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe ta a.

JEREMIA 7:13

Chun, tuhin Lalpa chun, ‘Hieng thilhai po po hi in thaw ta leiin, inhmataka thoa thu hrilin, in kuoma ngei chun thu ka lo hril ta a; nisienlakhawm, in ngai si naw a; ka ko cheu a, in mi dawn naw a;

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

JEREMIA 9:13

Lalpa chun hieng hin a tih: An hmaa dân ka sie chu an nghatsan a, ka râwl khawm an awi naw a, chutaka chun an fe bawk naw leiin a nih;

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatuhaiin anni an lo inchûktir ta ang khan;

JEREMIA 9:6

I umna hmun chu nêksâwrna chunga nêksâwrna a na; inhlêmna chunga inhlêmna umkhâwmna a ni leiin an mi hriet nuom naw a nih, Lalpa chun a tih.

NAMBAR 14:11

Chuongchun, Lalpain Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring lovin an um ding a na? Hriin hrem ka ta, suklungzîng ka tih;

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.