JEREMIA 12:4 - Pathien Lekhabu Inthieng (BSI)

⁴ Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 12:4 ပူးပေါင်းရင်းမြစ်များ

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

INPÂKNA HLABU 50:21

Chuong thil chu i thaw a; nisienlakhawm, ka to zing a; Chuongchun, nangma ang charah i mi ruot hlak a, Nisienlakhawm, kâwk ka ti che a i mithmuah indawt peiin suklang ka tih.

ISAI 24:4

Hnuoi hi a ṭapin a ṭuoi a, khawvêl hi a ṭuoiin a châu a, hnuoia mi chunghnunghai chu an châu ie.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

JEREMIA 12:11

Râusanah an siem ta a; râusana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni ta a.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha naw a, an hrâtna khawm chu ân dik nawh.

JEREMIA 4:25

Ka hei en a, chun, ngai ta, mihriem hrim hrim an um naw a, chunglêng vatehai khawm chu an tlân hmang ta a.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 5:13

zâwlneihai khawm chu thli el an na, annia chun thu a um nawh; an kuoma chun chuong anga thaw chu nîng a tih,” an ti a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

JEREMIA 9:9

Hieng thilhai lei hin anni chu ka hrem hrim naw ding am a nih? Lalpa chun a tih; hnam hieng ang hai chunga hin phuba ka lâk naw ding am a nih?

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuipuia ngahai chenin lâk hmang nîng an tih.

JOEL 1:18

Ranhai chu an inrûm nasa de! Bâwng ruolhai chu an lunginzîng a, hlohna hring hmun an nei naw leiin; anih, berâm ruolhai chu an rêm zo ta a.

AMOS 1:2

Chun, ama chun, “Lalpa chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:22

Thilsiem po pohai chu tu chen hin inrûm le nauhasena tuorin an um tâwl ti ei hriet si a.