JEREMIA 12:17 - Pathien Lekhabu Inthieng (BSI)

¹⁷ Amiruokchu, an ngai naw chun, chu hnam chu hmalthlâng ka ta, hmalthlain suksieng ka tih, Lalpa chun a tih.

JEREMIA 12:17 ပူးပေါင်းရင်းမြစ်များ

ISAI 41:11

Ngai ta, in chunga lungninaw po pohai chu muolphotak le inzaktakin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

JEREMIA 18:7

Ieng huna khawm hnam amanih, lalram chungthuah hmalthla ding le sukchim ding le sukse dinga ka hril a,

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

EZEKIEL 19:12

Nisienlakhawm, lunginsenna hmalthlakin a um a, Hnuoia pei thlâkin a um a, Sak thliin a sukṭâwl a, a ra a mût ṭil a, A kâu ngartak khawm chu suktliek a hung na, A vuoi ta a, meiin a kâng hmang ta a.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw ni a, a ram chu hieng mihai titâk lo khawm mi danghai ta ding khawma sukthlawng a ni ding a ni si a.

MIKA 5:14

I kuoma inthawk i Aserahai chu phawidawk ka ta, i khawpuihai chu suksieng ka tih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.