JEREMIA 12:15 - Pathien Lekhabu Inthieng (BSI)

¹⁵ Anni ka hmalthlâk hnunga chun hung kîr nâwk ka ta, an chungah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 12:15 ပူးပေါင်းရင်းမြစ်များ

JEREMIA 16:15

amiruokchu, “Lalpa hmâr tieng rama inthawk le, anni a hnawt hmangna ram po poa inthawka Israel mipuihai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni si a.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 3:12

Fe la, hieng thuhai hi hmârtieng ramah va khêkpui rawh, ‘Hung kîr rawh, nang Israel hnungtawl, Lalpa chun a tih; lungsenpumin en ta nâwng ka ti che, zângai theitak ka ni si a, Lalpa chun a tih, lunginsenna chu kumkhuoin kawl zing naw ning.

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 49:39

Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

JEREMIA 49:6

Nisienlakhawm, Ammon mihai sal intângna chu hung la kîr nâwk ka tih, Lalpa chun a tih”tiin.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw ni a, a ram chu hieng mihai titâk lo khawm mi danghai ta ding khawma sukthlawng a ni ding a ni si a.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

NAMBAR 32:18

Israel mi po poin an hmun hluo ding an hluo hmakhat chu kan in tieng fe naw ning ungah.

THILTHAWHAI 15:16

‘Chuong zoa chun kîr nâwk ka ta David bâwktê chim kha siem nâwk ka tih, A sietna lai po khawm siem ṭha nâwk ka ta;

DÂN PAHNINA 3:20

nangni anga in unauhai chu Lalpain râlmuonga a siem hma le Lalpa in Pathienin Jordan râla ram a pêk chu an hluo ve hmakhat chun; chuongchun, in puol seng dinga ka pêk seng cheua hin in hung nâwk seng ding annâwm,’ tiin thu ka pêk cheu a.

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.