JEREMIA 11:22 - Pathien Lekhabu Inthieng (BSI)

²² chuleiin, Lalpa chun hieng hin a tih: “Ngai ta, anni chu ka hrem ding a nih; tlangvâlhai chu kâwlhnâmah thîng an ta, an naupasalhai le an naunuhmeihai chu ṭâmin thîng an tih;

JEREMIA 11:22 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 44:13

Hripui le ṭâmna le kâwlhnâma Jerusalem ka hrem ang bawk khan Aigupta rama chênghai chu ka hrem ding a ni si a;

JEREMIA 49:26

Chuleiin, a tlangvâlhai chu a kawtthlêrahai chun tlûng an ta, chu ni chun indo mihai po po khawm chu sukto ṭawk ṭawk nîng an tih, sipaihai Lalpa chun a tih.

JEREMIA 9:21

Thina chu ei tukverhaia chun a hung a, ei in ropuihaia chun a hung lût si a,kawtthlêra inthawla tlangvâlhai le, puotienga inthawka naupanghai chu sâtthla dingin.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.