JEREMIA 11:15 - Pathien Lekhabu Inthieng (BSI)

¹⁵ Thil tirdakumtak chu thaw zing si chun, ka hmangaitak chun ka inah chan ieng am a nei ta leh? Intiemkamna le saserhai chun in sietna ding ân pumpeltir thei ding am a nih? Chuong a ni chun in hlim thei ding am a nih?

JEREMIA 11:15 ပူးပေါင်းရင်းမြစ်များ

INPÂKNA HLABU 50:16

Mi rilo kuoma ruok chun Pathienin, “Ka thuruothai hrilsuok theina i nei am a nih? Annawleh, ka thuthlung hi iengtiziea i baua sâm am i ni a?

INPÂKNA HLABU 60:5

I dittakhai hi sanhima an um theina dingin, I kut changtiengin sandam la, mi hung dawn rawh.

THUVARHAI 10:23

Khawhlona thaw hi invêt ta ding chun ruolsiekna ang a na, Chuong ang bawk chun, hrietthiemna nei mi ta dingin varna chu a nih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 2:14

Rîtlona thaw kawnga hlimtuhai, Mi rilo khawhlonaa lâwm hlaktuhaia inthawk le,

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUVARHAI 26:18

Mi invêt thingthuhringhai, Thalhai le thina petu ang chu,

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 12:7

Ka in chu ka mâksan ta a, ka rohluona khawm chu ka pei thlâk a, ka thlain a hmangai dittak chu a hmêlmahai kuomah ka pêk ta a.

JEREMIA 13:27

Ramhnuoi muol chunghaia i châkna hurna, i în hrâmnahai, i uirenahai, i tirdakumnahai chu ka hmu a. Aw Jerusalem, i chung a va rik de! sukthieng i ni âwm si naw a, ieng chen am a la ni ding chu aw?

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 2:2

“Fe la, Jerusalem na bula chun khêk la, hieng hin hril rawh, Lalpa chun hieng hin a tih; mo anga i hmangaina le, i tleirâwl lai lunginsietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 23:11

Thiempu le zâwlnei chu sukpawrche an ni ve ve si a; anih, ka ina chun an khawhlona chu ka hmu a nih, Lalpa chun a tih.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

HOSEA 3:1

Chun, Lalpa chun ka kuomah, “Fe nâwk ta la, nuhmei, mi dangin an idit lai, uirenu chu va hmangai rawh, Israel mipuihai chu pathien dang tieng nghain grêp bei thlum chu ngaina hai sien khawm Lalpain a hmangai zing ang bawk hin,” a ti a.

MATTHAI 22:11

“Nisienlakhawm, lal chu mi fielhai en dinga a hung lût chun, inneina puon sil lo mi pakhat chutaka chun a hmu a.

LUKA 8:28

Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achunghnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:28

Chanchin Ṭha tieng ngaituo chun nangni leiin hmêlma an nih; Thlang thu tienga ngaituo ruok chun, thlatuhai lei khan dittakhai an nih.

1 KORINTH 13:6

felnawna a lâwm naw a, thutak ruok chu a lâwmpui hlak;

TITA 1:15

Mi inthienghai ta ding chun iengkim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

JAKOB 4:16

Nisienlakhawm, in uongnahai hi in suong lem si a; chuong ang suongna po po chu suol a nih.