JEREMIA 11:14 - Pathien Lekhabu Inthieng (BSI)

¹⁴ Chuleiin, hi hnam ta ding hin hni naw la, an ta dingin hnina amanih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni si a.

JEREMIA 11:14 ပူးပေါင်းရင်းမြစ်များ

INPÂKNA HLABU 66:18

Ka lungrila suolna ka ngaisak chun, Lalpa chun mi ngaisak naw nih.

FESUOKNA 32:10

chuleiin, tuhin mi mâksan rawh, an chunga ka lunginsenna chu a hung lum a, anni ka sukbohmang theina dingin; nang ruok chu hnam ropuitakah la siem ka ti che,” a ti a.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 14:11

Chun, Lalpa chun ka kuoma chun, “Hi hnam ta ding hin an ṭhatna dingin ṭawngṭaipêk naw rawh.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawngṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw che a.

HOSEA 5:6

An berâm ruolhai le an bâwng ruolhai leh, Lalpa zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng ta a nih.

ZEKARIA 7:13

Chun, ama a khêk laiin an ngai naw a; chuongchun, anni chu khêk an ta, kei khawma ngai naw ningah, sipaihai Lalpa chun a tih.

MALAKI 2:13

Chun, hi khawm hi in thaw nâwk bawk a, Lalpa maichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.