JEREMIA 10:8 - Pathien Lekhabu Inthieng (BSI)

⁸ Anni chu ngawng tak le invêt an na, milim inchûktirna chu thing bul el chu a nih.

JEREMIA 10:8 ပူးပေါင်းရင်းမြစ်များ

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

INPÂKNA HLABU 135:18

Chuong siemtuhai chu chuong ang bawk chun um an ta, Anih, chuong ringtuhai po chu.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 44:19

Tukhawma an hriet suok nâwk naw a, “Ṭhenkhat chu meiah ka ti si a; anih; a aia khawm bei ka em nghe nghe a; sa khawm ka raw a, ka fâk si a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

JEREMIA 10:14

Mi tin el chu ngawngtak, hrietna nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, annia chun inthuokna a um si naw a.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an ti a, an hmai tieng ni lovin, an hnung an mîn nghat ta si a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 3:9

A hurna inruina lei chun ram chu sukpawrchein a um ta a; thingbulhai le lunghai le chun a lo uire ta a.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 5:4

Chun, kei chun, “Matheilovin, hienghai hi mi rimsi an na; invêt an nih: an Pathien rorêl amani, Lalpa lampui amani khawm chu an hriet si naw a.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

JONA 2:8

Thil teplo khêl thu mei mei ngaituotuhai chun, An ta dinga ngilneina chu an nghatsan a nih.

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.