JEREMIA 10:7 - Pathien Lekhabu Inthieng (BSI)

⁷ Aw hnamhai Laltak, tuin am ṭi nâwng an ti che a? Nang chun i phu hrim si a, hnamhai laia mi var po po lai le, an lalram sûngahai chun, nanga ang hrim tukhawm an um nawh.

JEREMIA 10:7 ပူးပေါင်းရင်းမြစ်များ

2 LALHAI 17:39

Lalpa in Pathien ruok chu in ṭi ding a nih; chuongchun, in hmêlmahai po po kuta inthawk chun sansuok ka ti cheu,” tiin.

1 CHANCHIN SUINA 16:25

Lalpa chu a ropui a, nasataka inpâk ding a ni si a, Ama chu pathien po po nêka ṭi ding a nih.

ESTHER 1:13

Chun, lal chun mi varhai, a hunhai hretuhai kuoma chun, (dân le rorêl dân hretuhai po po kuoma chun, hi hi lal thaw dân a ni hrim a:

INPÂKNA HLABU 147:5

Ei Lalpa chu a ropui a, thilthawthei tienga khawm hrâttak a nih, A varna chun tâwpintai a nei nawh.

INPÂKNA HLABU 22:28

Ram chu Lalpa ta a na, Hnam tin chungah rorêltu a ni si a.

INPÂKNA HLABU 47:3

Ama chun mi tin chu ei hnuoiah tukdawl a ta, Hnam tin chu ei ke hnuoiah tukdawl bawk a tih.

INPÂKNA HLABU 72:11

Anih, lal po po chu a hmaah bawkkhup an ta, Hnam tinrêngin a rawng bâwl an tih.

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

INPÂKNA HLABU 86:8

Aw Lalpa, pathienhai lai chun nang ang hrim hrim an um naw a, I thilthawhai ang hi thilthaw hrim hrim a um bawk nawh.

INPÂKNA HLABU 86:9

Aw Lalpa, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

INPÂKNA HLABU 89:6

Vân dumhaia khin Lalpa le hrilkhi thei ding tu am an um leh? Mi thilthawtheitak nauhai lai khin Lalpa ang,

FESUOKNA 8:10

Ama chun, “Zînga leh,” a ti a. Ama chun, “I thu ang peiin ni raw se: Lalpa kan Pathien ang hi mi tukhawm an um nawh ti i hriet theina dingin.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

JEREMIA 10:6

Aw Lalpa, nanga ang hi tukhawm an um nawh, i ropuia, i hming chu thilthawtheinain a ropui bawk a.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

DANIEL 2:27

Daniel chun lal hmaa chun a dawn a, “Thurûk lalin a iphût hi mi varhaiin amani, aisânthiemhaiin amani, mitvaidawithiemhaiin amani, vânghriltuhaiin amani khawm lal chu inentir thei naw ni hai;

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

HABAKKUK 3:2

Aw Lalpa, i ṭawng ka hriet a,ka ṭi ta a; Aw Lalpa, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

JOSUA 4:24

Leihnuoia hnam tinrêngin Lalpa kut hi a lo hrât a nih ti an hriet thei a, Lalpa in Pathien chu kumkhuoa an ṭi theina dingin,” tiin.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.