JEREMIA 10:6 - Pathien Lekhabu Inthieng (BSI)

⁶ Aw Lalpa, nanga ang hi tukhawm an um nawh, i ropuia, i hming chu thilthawtheinain a ropui bawk a.

JEREMIA 10:6 ပူးပေါင်းရင်းမြစ်များ

2 SAMUEL 7:22

Chuleichun, Aw Lalpa Pathien, nang chu i ropui a nih, kan naa kan hriet angin nanga ang hrim hrim an um naw a, nangma naw chu Pathien hrim hrim an um bawk nawh.

1 CHANCHIN SUINA 16:25

Lalpa chu a ropui a, nasataka inpâk ding a ni si a, Ama chu pathien po po nêka ṭi ding a nih.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

INPÂKNA HLABU 145:3

Lalpa chu a ropui a, nasataka inpâk ding a nih, A ropuizie chu suisuok ruol a ni nawh.

INPÂKNA HLABU 147:5

Ei Lalpa chu a ropui a, thilthawthei tienga khawm hrâttak a nih, A varna chun tâwpintai a nei nawh.

INPÂKNA HLABU 35:10

Ka ru po po hin, “ Lalpa, mi rimsi, a khing zo ruollova inthawka sanhimtu, Anih, rimsi le pasie, ama inram hlaktua inthawka sanhimtu, Nang ang hrim tu am um?” tîng a tih.

INPÂKNA HLABU 48:1

Lalpa chu a ropui a, nasataka inpâk ding a nih; Ei Pathien khawpuiah, a tlâng inthienga chun.

INPÂKNA HLABU 96:4

Lalpa chu a ropui a, nasataka inpâk ding a ni si a, Pathien po po nêka ṭî ding a nih.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 8:10

Ama chun, “Zînga leh,” a ti a. Ama chun, “I thu ang peiin ni raw se: Lalpa kan Pathien ang hi mi tukhawm an um nawh ti i hriet theina dingin.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 40:25

Tu lêm mi hrilkhiin, tu tluk ang chau âm in mi ruot ding a na? Mi Inthieng chun a tih.

ISAI 46:5

Thuhmuna ngai kan nina dingin tulêm in mi tekhi a, tu tluk âm in mi siem a, tu lêm mi hrilkhîng in ta?

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 32:18

nang chun sâng kuoma zângaina inentira, pahai suolna chu an nauhai ângsûnga thungna petu, Pathien thilthawthei, ropui le, sipaihai Lalpa chu a hming a nih;

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

DÂN PAHNINA 32:31

An lungpui chu ei Lungpui ang a ni naw a, Ei hmêlmahai ngei ngaidân khawma.

DÂN PAHNINA 33:26

“Aw Jeshurun,i Pathien ang tukhawm an um dêr nawh, A ṭhangpui ding chea vânhaia inthawka hung a, A ropuinaa vân boruokhaia inthawka hung chu.