JEREMIA 10:2 - Pathien Lekhabu Inthieng (BSI)

² Lalpa chun hieng hin a tih: Hnamhai lampuihai chu inchûk naw la, chungtienga inchiknahaia chun lunginzîng el bawk naw rawh, hnamhai chu chuonghaia chun an lunginzîng hlak si a.

JEREMIA 10:2 ပူးပေါင်းရင်းမြစ်များ

INṬANNA 1:14

Chun, Pathienin, “Sûn le zân ṭhêna dingin vân boruok lientaka chun varhai um sienla, chuonghai chu inchikna dâm, hunbi dâm, ni dâm, kum dâm hrietna ding ni raw se;

JEREMIA 10:1

Aw Israel sûngkuo, Lalpain i kuoma thu a hril chu lo ngai ta,

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

LEVI DÂN 18:3

In umna tah Aigupta ram mihai thaw ang kha thaw naw unla, ka ṭhuoi lûtna ding cheu Kanaan ram mihai thaw ang khawma thaw naw unla, an dân khawm zâwm bawk naw ro.

LEVI DÂN 20:23

In hmaa ka hnawt suok tah hnamhai dân dâm in hrâw ding a ni nawh; hieng thilhai po po hi an thaw hlak leiin ka tirdak tâwl an nih.

DÂN PAHNINA 18:9

“Lalpa in Pathienin a pêk cheu ram in va tlung pha chun chuong hnamhai thil tirdakum thaw hai ang chu in chîng ve ding a ni nawh.

RORELTUHAI 6:10

chun keiin, Kei hi Lalpa in Pathien chu ka nih, in umna ram neitu Amor mihai pathienhai hi in ṭi dêr ding a ni nawh, ka ti a, nisienlakhawm, ka râwl chu in ngai si nawh,’ a ti a nih,” a ti a.