JEREMIA 10:13 - Pathien Lekhabu Inthieng (BSI)

¹³ a râwl a hung insuo pha chun vânhaia tuihai chu a hung phul a, leihnuoi tâwpnaa inthawk dâm chun tuihu chu ân kaitir a, ruo ta ding chun kâwlinlephai a siem a, a robâwmhaia inthawk chun thli chu a hung lâk suok a.

JEREMIA 10:13 ပူးပေါင်းရင်းမြစ်များ

INṬANNA 2:5

Hnuoia hlo hrim hrim hi hnuoiah a la um naw a, hnuoia thlai hrim hrim khawm hi a mâwng bawk nawh. Lalpa Pathienin hnuoi chungah ruo a lân sûrtir si naw a, hnuoi inlettu dingin mihriem hlak an la um bawk nawh;

1 LALHAI 18:41

Chuongchun, Elija chun Ahab kuoma chun, “Hang fe la, fain hang dâwn ta rawh, ruopui sûr ding ri a um a nih ie,” a ta.

JOB LEKHABU (THE BOOK OF JOB) 38:22

Vûr intling khâwmnahaia chun i lût ta hlak am? Annawleh, riel intling khâwmnahai chu i hmu ta hlak am?

INPÂKNA HLABU 104:13

Ama chun a pindan chunghnunga inthawk khin tlânghai chu tuiin a châwm hlak a, Hnuoi hi i thilthaw rahaiin a khawp hlak.

INPÂKNA HLABU 135:17

Nahai an nei a, an hriet thei si naw a, An baua chun thuok hrim hrim a um bawk nawh.

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

INPÂKNA HLABU 147:8

Ama chun vân khi sûm ân zâm hlietir a, Leihnuoi ta dingin ruo a buotsai a, Tlângahai chun hlobet ân mâwngtir hlak.

INPÂKNA HLABU 18:13

Lalpa chu vânahai khin ân ri ta dur dur bawk a, Achunghnungtak chun a râwl ân suo a, Rielso le ṭêk mei inhlap ri ân ri rum rum a

INPÂKNA HLABU 68:33

Vânhai vân, tiena umhai chunga chuong chu, Ngai ta, a râwl ân suo ie, râwl nasatak el chu.

FESUOKNA 9:23

Chun, Mosie chun a hmawl chu vân tieng ân let a; chuongchun, Lalpa chun vâninrûm le riel chu a hung tir ta a, hnuoia chun mei dâm a zuk tla a, Lalpa chun Aigupta ram chunga chun riel ân sûrtir ta a.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 19:12

Hi hmun hi Topheth ang ela siemin, hi hmun hluotuhai chunga le hi hmun chunga hin ka thaw ding a nih, Lalpa chun a tih.

JEREMIA 5:24

An lungril khawma, “Lalpa ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

JEREMIA 51:16

a râwl a hung insuo pha chun, vânhaia tuihai ân ri hum hum a; leihnuoi tâwphaia inthawk chun tuihu dâm chu ân zâmkaitir bawk a, ruo ta dingin kâwlinlephai chu a siem a, a robâwmhaia inthawk chun thlihai chu a hung lâk suok a.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

ZEKARIA 10:1

Lalpa kâwlinlephai siemtu ngei chu, Lalpa kuoma chun ruo nuhnung huna hin ruo ngên ro; chun ama chun ruopui sûr chu pêng a tih, loa thlaihna tin kuoma chun.