JEREMIA 10:12 - Pathien Lekhabu Inthieng (BSI)

¹² A thilthawtheina chun hnuoi chu a siem a, a varna chun khawvêl chu a lo tungding ta a, a hrietthiemnahai chun vânhai khawm chu a lo keiphar ta a;

JEREMIA 10:12 ပူးပေါင်းရင်းမြစ်များ

INṬANNA 1:1

A tîrin Pathienin hnuoi le vân a siem a.

INṬANNA 2:5

Hnuoia hlo hrim hrim hi hnuoiah a la um naw a, hnuoia thlai hrim hrim khawm hi a mâwng bawk nawh. Lalpa Pathienin hnuoi chungah ruo a lân sûrtir si naw a, hnuoi inlettu dingin mihriem hlak an la um bawk nawh;

1 CHANCHIN SUINA 16:26

Mipuihai pathienhai chu milimhai an ni si a, Lalpa ruok chun vânhai khi a siem a nih.

JOB LEKHABU (THE BOOK OF JOB) 26:7

Hmun ruok chunga chun hmârtieng chu a keiphar a, Leihnuoi chu iengkhawm nilo chungah a khai bawk a,

JOB LEKHABU (THE BOOK OF JOB) 37:18

Ama ang chun vân khi keiphar thei i ti, Dârthlalang sungta anga ngar khi?

JOB LEKHABU (THE BOOK OF JOB) 9:8

Ama chun vânhai chu a keiphar a; Tuisuoriet fâwnhai chungah kal a chawi a.

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 104:24

Aw Lalpa, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

INPÂKNA HLABU 119:90

I ringumna chu suon po po chenin um a ta, Leihnuoi hi i sukdet a, a um zing a nih.

INPÂKNA HLABU 24:2

Tuisuoriet chungahai amain ân dinsuo a ni si a Tuilienhai chunga khawm a sukdet bawk a.

INPÂKNA HLABU 33:6

Lalpa thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

INPÂKNA HLABU 78:69

A in inthieng chu vân insânghai ang khin a bâwl a, Kumkhuoa dinga a suknghet leihnuoi ang hin.

INPÂKNA HLABU 93:1

Lalpa chu lalah a ṭhung a, a ropuinain ân thuom a, Lalpa chu ân thuom a, hrâtnain a kâwngah ân khit ta a: Khawvêl khawm hi ân hnîng thei nawna dingin sukdetin a um a.

THUVARHAI 3:19

Lalpa chun varnain hnuoi chu a hmu suok a; Hrietthiemnain vânhai chu ân ngîr bawk a.

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

ISAI 37:16

“Aw sipaihai Lalpa, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

ISAI 40:22

Ama chu leihnuoi inkuolkhumna chunga ṭhung chu a nih; a mithmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

JEREMIA 10:13

a râwl a hung insuo pha chun vânhaia tuihai chu a hung phul a, leihnuoi tâwpnaa inthawk dâm chun tuihu chu ân kaitir a, ruo ta ding chun kâwlinlephai a siem a, a robâwmhaia inthawk chun thli chu a hung lâk suok a.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

JOHAN 1:3

Iengkim a rêngin amaa siem a nih; thil siem po po hi ama ṭhang lova siem iengkhawm a um nawh.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.