JEREMIA 10:10 - Pathien Lekhabu Inthieng (BSI)

¹⁰ Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 10:10 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun Lalpa Chatuon Pathien hming chu a lam a.

1 LALHAI 18:39

Chun, mipuihai po poin chu chu an hei hmu chun an bawkkhup a, “Lalpa hi a lo nih, Pathien chu, Lalpa hi a lo nih, Pathien chu,” an ta.

1 LALHAI 8:60

Lalpa hi Pathien a na, tukhawm dang an um nawh ti khawvêla hnam tinin an hung hriet theina dingin.

1 CHANCHIN SUINA 29:11

Aw Lalpa, ropuina dâm, thilthawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng si a; Aw Lalpa, lalram chu nangma ta a na, mi po po chungah nang chu lu anga chawimawiin i um hi.

2 CHANCHIN SUINA 15:3

Chuongchun, hun sâwttak el chu Israel ram chu Pathien indiktak bo, inchûktirtu thiempu le dân boin an lo um ta a;

JOB LEKHABU (THE BOOK OF JOB) 9:6

Hnuoi chu ama hmuna chun a sukhnîng a, Chutaka banhai khawm chu ân hnîng bawk a.

INPÂKNA HLABU 10:16

Lalpa chu kumkhawtluonga dingin laltak a na, Hnam tin chu ama rama inthawkin bohmang an tih.

INPÂKNA HLABU 100:3

Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 100:5

Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 104:32

Ama chun hnuoi hi a en a, ân thin hlak a, Tlânghai chu a them a, a khu suok hlak.

INPÂKNA HLABU 114:7

Nang leihnuoi, Lalpa hmaa chun inthin rawh, Jakobhai Pathien hmaa chun,

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

INPÂKNA HLABU 146:6

Ama chu hnuoi dâm, vân dâm, Tuisuoriet dâm le an sûnga um po po siemtu a nih; Ama chun thutak kumkhuoa dingin a vawng ṭha hlak a nih.

INPÂKNA HLABU 18:7

Chu phingle chun hnuoi hi ân hnîng a, ân thin ta a, A lunginsen leiin tlânghai khawm chu, Ân nghatna pumin ân thinin ân hnîng ta a.

INPÂKNA HLABU 29:10

Lalpa chu Tuilêt lai khan lalah a ṭhung a, Anih, Lalpa chu kumkhuoa dingin lalah a ṭhung a nih.

INPÂKNA HLABU 31:5

I kutah ka thlarau kân kawltir a, Aw Lalpa, thutak Pathien, nang chun i mîn tlan tah.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

INPÂKNA HLABU 68:11

Lalpain thu chu a pêk hlak a, Chanchin hriltu nuhmeihai chu pâwl lientak an nih.

INPÂKNA HLABU 68:8

Hnuoi hi ân hnîng dur dur a, Vânhai khawm khi Pathien hmaa chun a far a, Sinai tlâng meu khawm saw Pathien hmaah, Israelhai Pathien hmaa chun ân hnîng dur dur kha.

INPÂKNA HLABU 74:12

Nisienlakhawm, Pathien chu inhma chena ka Lal a nih, Hnuoi laitaka sandamna siemhlaktu chu.

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

INPÂKNA HLABU 76:8

I rorêl thu chu vâna inthawkin în hriettir a, Hnuoi hin a ṭi a, a to ta a.

INPÂKNA HLABU 77:18

I vâninrûm ri chu thlivirah a um a, Kâwlinlephai chun khawvêl hi a el zawt zawt a; Hnuoi hi inthinin ân hnîng dur dur a.

INPÂKNA HLABU 84:2

Ka hringna hin Lalpa biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

INPÂKNA HLABU 9:8

Ama chun khawvêl hi feltakin ro rêlpêk a ta, Thlierbîk nei lovin mi tin ro chu rêlpêk a tih.

INPÂKNA HLABU 90:11

Tuin am i lunginsenna thilthawtheizie hrea, Nangma ṭi dingzie anga i lunginsenna hrie le?

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 93:2

I lalṭhungpha chu tiena inthawka lo sukdet tah a na, Nang chu chatuona um tah i nih.

INPÂKNA HLABU 97:4

A kâwlinlephai chun khawvêl hi a el zawt zawt a, Hnuoi hin a hmu a ân thin a.

ISAI 37:17

Aw Lalpa, i na hung sit la, ngai ta; aw Lalpa, i mit meng la, en ta; Pathien hring hi hrilse dinga mihai tirtu Sennakerib thuhai po po hi ngai ta.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

ISAI 40:15

Ngai ta, hnam tin chu bâlṭina tui far khat ang chau an na, bûknaa thil nawi mahla kai ang chaua ngai an nih; ngai ta, ama chun thlierkârhai chu thil chiterek angin a lâk nel nel el hlak a.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JEREMIA 23:36

Chuongchun, Lalpa phurrik chu hril ta ngai naw ti niu a, mi tin ta dingin ama thu ngei chu a phurrik a ni ding leiin; Pathien hring thuhai chu in lo fe kawipui ta si a, ei Pathien sipaihai Lalpa thu chu.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an insâwi a.

JEREMIA 50:46

Babulon lâkna ria chun hnuoi chu ân thin a, hnamhai laia chun a khêk ri chu hrietin a um a,” tiin.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

HABAKKUK 3:10

Tlânghai chun an hmu che a,an ṭi a; Tui insawkhai khawm chu an fe hmang ta a; Li inthûk chun a râwl ânsuo a, A kuthai chu chungtieng a phar a.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar ta a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni si a;

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 26:63

Chun, Thiempu Laltak chun a kuomah, “Pathien hring hmingin ka vau che, Krista, Pathien Naupa chu i ni am a nih? mi hril rawh,” a ta.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

HEBRAIHAI 10:31

Pathien hring kuta tlûk chu thil râpthlâktak a nih.

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.

RORELTUHAI 5:4

Lalpa, Seir rama inthawka i hung suok a, Edom phaia inthawka i hung suok khan, Hnuoi chu ân thin dur dur a, vânhai khawm a hung far a; Anih, sûmhai chun ruo an insûrtir a.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.