JEREMIA 10:1 - Pathien Lekhabu Inthieng (BSI)

¹ Aw Israel sûngkuo, Lalpain i kuoma thu a hril chu lo ngai ta,

JEREMIA 10:1 ပူးပေါင်းရင်းမြစ်များ

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

INPÂKNA HLABU 50:7

“Aw ka mihai, ngai ta u, thu ka hril ding a nih, Aw Israel, ngai ta, kân hriettir ding che a nih: Kei hi Pathien, i Pathien ngei chu ka ni hi,

ISAI 1:10

Sodom rorêltuhai, Lalpa thu hi hre unla, Gomorra mihai, ei Pathien dân thua hin na sit ro!

ISAI 28:14

Chuleichun, mi hmusit hmanghai, hieng mihai, Jerusalema umhai ro rêlpêktuhai, Lalpa thu hi hre ro.

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

JEREMIA 10:2

Lalpa chun hieng hin a tih: Hnamhai lampuihai chu inchûk naw la, chungtienga inchiknahaia chun lunginzîng el bawk naw rawh, hnamhai chu chuonghaia chun an lunginzîng hlak si a.

JEREMIA 2:4

Aw Jakob sûngkuo le, Israel sûngkaw pahnamhai po po, Lalpa thu chu ngai ta u;

JEREMIA 22:2

Aw nang Juda lal, David lalṭhungphaa ṭhung, nang le i siehlawhai le i mihai, hieng dai kawtkhârhaia lûthai hin Lalpa thu chu lo ngai ta u.

JEREMIA 42:15

Aw Juda la um sunhai, tuhin Lalpa thu chu lo ngai ta u; sipaihai Lalpa, Israel Pathien chun hieng hin a tih: Aigupta rama lût dinga in hmaihai in innghat chie a, chutaka va mikhuol dinga in fe chun;

JEREMIA 9:26

Aigupta dâm, Juda dâm, Edom dâm, Ammon thlahai le, Moab thlahai, barêp hmul vawa thlalêra chênghai po po le chun, chuong hnamhai po po chu sertan lo an na, Israel sûngkuohai po po chu lungrila sertan lo an nih.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

AMOS 7:16

Chuongchun, tuhin Lalpa thu chu hre rawh, ‘Nangin Israel kalin thu hril naw la, Isak sûngkuohai kalin i thu puong naw rawh,’ i ti a;

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

THUPUONGSUO 2:29

Thlarauin kohranhai kuoma thu a hril hi na nei chun hre raw se, a tih, tiin.