JEREMIA 1:9 - Pathien Lekhabu Inthieng (BSI)

⁹ Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

JEREMIA 1:9 ပူးပေါင်းရင်းမြစ်များ

ISAI 49:2

ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

JEREMIA 15:19

Chuleichun, Lalpa chun hieng hin a tih: I hung kîr chun, ka hmaa i ngîr theina dingin hung ṭhuoi nâwk ka ti che; mi suolhaia inthawka thil hluhai i lâk suok chun, ka bau ang nîng i ta; anni chu i kuomah hung kîr an ta, nang ruok chu an kuom tieng kîr naw ti nih.

JEREMIA 34:6

Chun, Jeremia chun Juda ram lal Zedekia kuoma chun hieng thuhai hi Jerusalema chun a hril a;

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 5:14

Chuleiin, Lalpa, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

EZEKIEL 3:10

Chu nawa khawm ka kuoma chun, “Mihriem naupa, i kuoma thu ka hril ding po pohai chu i nahai chun ngai la, i lungrila chun pawm rawh.

DANIEL 10:10

Chun, ngai ta, kutin a mi hung them a, chuongchun, dingṭhaṭhuonin ka bawkinvâk a.

DANIEL 10:16

Chun, ngai ta, mi pakhat, mihriem naupahai angtak el hin ka hmûrhai chu a hung them a; chun, ka bau chu ka ka a, ka hmaa ngîr kuoma chun thu ka hril ta a, “Aw ka lalpa, thilhmulâwk lei chun ka lungngainahai chu ka chungah a tla ta a, chuongchun, hrâtna hrim ka nei ta dêr nawh.

NAMBAR 23:5

Lalpain Balaam baua chun thu a sie a, “Balak kuoma chun kîr nâwk ta la, va hril sâwng rawh,” a ta.

MATTHAI 10:19

Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni si a.

MARKA 7:33

Chun, ama chun mipui laia chu, a khât chauin a tumin a ṭhuoi a, a kutpârhaiin a nakuo chu a khîkpêk a, chil a sâk a, a lei a them pêk a.

LUKA 12:12

chu pha taka chun, ieng am in hril ding ti Thlarau Inthieng chun hril a ti cheu,” a ta.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

DÂN PAHNINA 18:16

‘Lalpa kan Pathien râwl chu mîn hriettir ta naw, hi mei nasatak hi mîn hmutir nâwk ta naw rawh, chuong naw chun thi rawi kan tih,’ tiha Horeb tlânga pungkhâwm niha Lalpa in Pathien in dit dân ang khan.

DÂN PAHNINA 18:17

Chun, Lalpa chun ka kuomah, ‘An thuhril chu an hril ṭha hle a.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.