JEREMIA 1:7 - Pathien Lekhabu Inthieng (BSI)

⁷ Nisienlakhawm, Lalpa chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni si a; Thu ka pêk ang pei che chun thu hril bawk i tih.

JEREMIA 1:7 ပူးပေါင်းရင်းမြစ်များ

1 LALHAI 22:14

Mikaia ruok chun, “Lalpa hringna sâlin ka hril a nih, Lalpain ka kuoma a hril chu a nih ka hang hril ding chu,” a ta.

1 LALHAI 3:7

Chuongchun, aw Lalpa ka Pathien, nang chun i siehlaw hi ka pa David aia chun lalah i lo siem ta a; kei chu chu naupangsie el ka la na, thu hung tieng le fe tieng khawm hi ka la hriet naw a,

2 CHANCHIN SUINA 18:13

Mikaia chun, “Lalpa chu a hring zing a, ka Pathienin a hril chu, chu chu ngei chu hril ka tih,” a ta.

FESUOKNA 6:29

Lalpain Mosie kuomah, “Kei Lalpa chu ka nih; i kuoma thu ka hril po po hi Aigupta lal Pharao kuomah hril rawh,” tiin, a hril ta a.

JEREMIA 26:2

“Lalpa chun hieng hin a tih: Lalpa in huon tuollaia chun ngîr la, an kuoma thuhril ding ka thupêk po po che chu, Lalpa ina Pathien be dinga hung khâwm, Juda khawpuihai po po kuoma chun hril rawh; thu khat chau khawm ip naw rawh.

JEREMIA 43:1

Chun, hieng thuhai po po, Lalpa an Pathienin an kuoma ama a tirna, Lalpa an Pathien thuhai po po chu mipuihai po po kuoma Jeremia chun a hril zo chun,

JEREMIA 7:27

Chun, hieng thuhai po po hi an kuoma chun i hril ding a nih; amiruokchu, i thu chu ngai naw ni hai; anni chu ko bawk i ta, nisienlakhawm, dawn naw ni hai che.

EZEKIEL 2:7

Chun, an lo ngai khawma, an lo ngaisak naw khawma, an kuoma chun ka thuhai chu hril hrim hrim i ta; hel hmangtak el an ni si a.

EZEKIEL 3:27

Nisienlakhawm, nanga kuoma thu ka hung hril pha chun, i bau chu hawng ka ta, an kuoma chun, ‘Lalpa Pathien chun hieng hin a tih,’ tîng i tih. A hre taphawt chun lo ngai raw se; a ngaisak naw taphawt chu ngaisak lovin um raw se; sûngkaw hel hmang an ni si a.

AMOS 7:15

Lalpa chun berâm ruol vêngnaa inthawk chun a mi lâk a, Lalpa chun ka kuomah, ‘Fe la, ka mi Israelhai kuomah thu hril rawh,’ a mi ti a.

JONA 3:2

“Tho la, Ninevi khuo, khaw ropuitaka chun fe la, thu hril ding ka tuk che hi va tlânginsampui rawh,” tiin.

NAMBAR 22:20

Chun, zâna chun Pathien chu Balaam kuoma chun a hung a, a kuomah, “Hieng mihai hi nanga koa hung an ni chun tho la, anni zui rawh, amiruokchu, i kuoma ka hril chau che hi i thaw ding a nih,” a ta.

NAMBAR 22:38

Balaam chun Balak kuomah, “Ngai ta, hi ka hung ta a, nuom nuom hril theina ka nei am a nih? Pathienin ka bâua thu a sie chau ka hril ding a nih,” a ta.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 20:27

Pathien thiltum po po arêngin in kuoma hril kân tîm naw a.