JEREMIA 1:5 - Pathien Lekhabu Inthieng (BSI)

⁵ “Phîng sûnga ka siem hma che khawma ka hriet che a, Sula inthawka i hung suok hma khawma ka sukthieng ta che a: Hnamhai kuoma zâwlnei dingin ka lo thlang ta che a nih,” tiin.

JEREMIA 1:5 ပူးပေါင်းရင်းမြစ်များ

INPÂKNA HLABU 139:15

Arûka siema ka um a, Hnuoi hmun inhnuoitaka mawitaka siema ka um lai khan, Ka rurêl chu i kuomah thupin a um naw a,

INPÂKNA HLABU 139:16

Ka riruong la famkim lo chu i mitin a hmu a, I lekhabua chun ka pênghai hi ziek vawng a nih: A ni têla siemin a um pei a, A pakhat khawm a la um hmain.

FESUOKNA 33:12

Mosie chun Lalpa kuomah, “Ngai ta, nangin ka kuomah, ‘Mipui hi hung ṭhuoi rawh,’ i ti a, kei le i tir ding chu tu am a nih i mîn hriettir si naw a. Nisienlakhawm, nangin, ‘I hmingin ka hriet che a, ka mithmuah lunginsietna i chang ta bawk a nih,’ i ti a.

FESUOKNA 33:17

Lalpa chun Mosie kuomah, “I hril ang tak chun thâwng ka tih: hmingin ka hriet che a, ka lunginsietna chu i hmu ta si a,” a ti a.

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; Lalpa chun sula inthawk hrimin a mi ko a; ka nu phîng sûnga inthawk hrimin ka hming a lo hril ta a;

ISAI 49:5

Tuhin chu Lalpa, Jakobhai a kuoma ṭhuoi nâwkna ding le, Israelhai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (Lalpa mithmu chun mi inzaum ka ni si a, ka Pathien chu ka hrâtna a ni ta bawk a) anih,

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 1:4

Chun, Lalpa thu chu ka kuomah a hung tlung a:

JEREMIA 20:15

Mi ka pa kuoma, “I ta dingin naupasal a pieng ie,” tia ama sukhlim a, a kuoma thu hung intluntu chu ṭawngsephurin um raw se.

JEREMIA 25:13

Chu ram chunga ka thuhai tlung dinga ka hril tah, hi lekhabua ziek ta ngeihai, Jeremia chun hnamhai chu dodala a lo hril tahai ngei chu hung intlungtir ka ta.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 50:34

Anni sanhimtu chu a hrât a, a hming khawm, sipaihai Lalpa a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

LUKA 1:41

Chun, Elizabethin Mari chibai bûk chu a hriet phingleh, a phîng sûnga naute chu a châng a; chun, Elizabeth chu Thlarau Inthiengin a sip ta a;

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni si a;

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekha-thawn:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

EPHESI 1:22

Chun, thil tinrêng a ke hnuoiah a sie a, ama chu iengkim po po chunga lu dingin kohranhai kuoma chun a pêk a,