JEREMIA 1:16 - Pathien Lekhabu Inthieng (BSI)

¹⁶ Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 1:16 ပူးပေါင်းရင်းမြစ်များ

2 LALHAI 22:17

an mi mâksan a, pathien danghai kuomah riminhnik an raw a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 28:2

amiruokchu, Israel lalhai lampui chu a hraw a, Baal ta ding chun milim a sunga sunghai chu a siem bawk a.

2 CHANCHIN SUINA 34:25

kei an mi lo nghatsan ta a; an kut sinthawhaia lunginsen dinga an mi chawktho theina dingin pathien danghai kuoma chun riminhnikhai an raw a; chuleiin, ka lunginsenna chu hi hmun chunga hin bunthlâk a ni ta a, sukre el ni ta naw nih,’ tiin.

2 CHANCHIN SUINA 7:19

Amiruokchu, i pêt hmang a, i hmaa thupêkhai le thuruothai ka siehai chu i nghatsan a, i fe a, pathien danghai rawng i bâwl a, anni chu chibai i bûk chun;

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

ISAI 44:15

Chu hnunga chun mi ta dinga meia ti ding ni tâng a tih; chutaka mi chu a lâk a, ân suklum hlak, anih, meiah a sêm a, bei a em hlak; anih, pathien a siem a, a biek hlak; chu thing chu milim siem fâwmah a siem a, chu chu bawkkhupin chibai a bûk hlak.

ISAI 65:3

huonahai inthâwia, ṭêklei chungahai thil rim inhnik rawa, ka hmaisan ngeia mi suklungsen hlaktuhai,

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 10:3

Hnamhai dânhai chu teplo mei mei an na; rama inthawkin thing an hang phûr thlûk a, themthiem mi chun a hreipuiin a chei a.

JEREMIA 11:12

Chun, Juda khawpuihai le, Jerusalem hluotuhai chu, riminhnik an inhlânna pathienhai kuoma chun fêng an ta, ko an tih; nisienlakhawm, chuonga an buoi lai huna chun anni chu sandam ngai hrim hrim naw ni hai.

JEREMIA 11:17

Sipaihai Lalpa, nangni phuntu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 18:15

Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 19:4

Kei an mi lo nghatsan ta a, hi hmun khawm hi an lo sukhran ta a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip ta a;

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam si a, Aw Juda.

JEREMIA 4:12

thli hrâttak hienga inthawk hin ka kuomah hung a tih; tuta an chungthu rêla hriltu khawm hi kei ka nih,” ti nîng a tih.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 51:17

Mi tin el chu an lo intlaw ta a; hrietna boin an lo um ta a, rângkachak suttu tinhai khawm chu an milem kera siemhai lei chun sukzakin an um ta a, an milim sunghai chu khêlhlip el a ni si a, annia chun inthuokna khawm a um si naw a.

JEREMIA 7:17

Jerusalem kawtthlêrahai le Juda khawpuihaia an thawhai chu i hmu nâwm a nih?

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

EZEKIEL 16:18

i puon cheimawihai chu i lâk a, anni chu în khum a; an hmaa chun ka sahriekhai le riminhnikhai chu în tung a;

EZEKIEL 24:14

Kei Lalpa chun ka hril ta a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa Pathien chun a tih,” tiin.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi zing a. Mi lim siem fâwmhai kuomah riminhnik an raw lem a nih.

HOSEA 8:6

Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

THILTHAWHAI 7:41

Chun, chuonglai chun sebâwngte lim an siem a, a lim chu ran thatin an biek a, anni kutsuok chunga chun an hlim ta a.

DÂN PAHNINA 28:20

Lalpain in chunga in thilthaw taphawt chungah ṭawngsie dâm, buoina dâm, kâwkna dâm, hung tir a tih, tlâwm in ta, bohmang vak el in tih; in thilthawhai a suol a, in mi hnungnghat leiin.

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

JOSUA 24:20

Lalpa chu in mâksan a, hnam dang pathienhai rawng in bâwl chun chu, in chungah a ṭha sa hin in chungah thil ṭha nawin ṭuong vêng a ta, a sukbohmang el ding cheu a nih”, a ta.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.