JEREMIA 1:12 - Pathien Lekhabu Inthieng (BSI)

¹² Lalpa chun ka kuomah, “I hmu ṭha ngawt el; ka thu chu sukpuitlinga um dingin ka tûng tlat a nih,” a ta.

JEREMIA 1:12 ပူးပေါင်းရင်းမြစ်များ

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

JEREMIA 1:13

Chun, a vawi hninaa chun Lalpa thu chu ka kuomah a hung tlung a, “Ieng am i hmu a?” tiin. Kei chun, “Sumbepui so lai ka hmu a, chu hmai chu hmâr tienga inthawka hung ngha a nih,” ka ti a.

JEREMIA 24:3

Chun, Lalpa chun ka kuomah, “Jeremia, ieng am i hmu a?” a mi ta. Kei chun, “Theichanghai, theichang ṭha, ṭha êm êm le, a ṭha naw, ṭha naw takmeu el, fâk thei lo khawpa sie,” ka ti a.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

EZEKIEL 12:25

Lalpa chu ka ni si a: thu hril ka ta, chu ka thuhril chu thawin a um ngei ding a nih; sukbahla ni ta ngai naw ni; aw sûngkaw hel hmang, in nihaia chun thu hril ka ta, thaw ni bawk a tih, Lalpa Pathien chun a tih,” tiin.

EZEKIEL 12:28

Chuleiin, an kuoma chun, ‘Lalpa Pathien chun hieng hin a tih; ka thu hrim hrim chu sukbahla ni ta naw ni a, amiruokchu, thu ka ihril chu thawin a um lem ding a nih,’ Lalpa Pathien chun a tih,” tiin.

AMOS 8:2

Chun, ama chun, “Amos, ieng am i hmu a?” a ta. Keiin, “Nisapuithei bâwm,” ka ti a. Chun, Lalpa chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

LUKA 10:28

Ama chun a kuomah, “I dawn dik ngawt el ie; chuong ang chun thaw la hring i tih,” a ta.

LUKA 20:39

Dân inchûktirtu tuhaiin amanih, “Inchûktirtu, i hril indik ngawt el!” an ta, an dawn a.

DÂN PAHNINA 18:17

Chun, Lalpa chun ka kuomah, ‘An thuhril chu an hril ṭha hle a.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

DÂN PAHNINA 5:28

Chun, in mi biek laia in thu hril chu Lalpain a lo hriet a, ‘Hieng mipuihai hin i kuoma thu an hril chu ka lo hriet a; an thu hril po po chu an hril dik ngawt el.