JAKOB 5:20 - Pathien Lekhabu Inthieng (BSI)

²⁰ mi suol a lampui inhmangnaa innghat kîrtirtu chun thinaa inthawkin a thlarau sandam a ta, suol tamtak inkhumpêk bawk a tih ti inhre raw se.

JAKOB 5:20 ပူးပေါင်းရင်းမြစ်များ

INPÂKNA HLABU 32:1

A bawsietna ngaidama uma, a suolna inkhuma um chu, a hamṭha,

THUVARHAI 10:12

Theidana chun inkhingna a chawk suok a, Hmangaina ruok chun bawsietna po po ân khum hmang.

THUVARHAI 10:2

Khawhlona rohai chu ienga khawm a hlâwk naw a, Felna ruok chun thinaa inthawkin a san suok.

THUVARHAI 11:30

Mi fel ra chu hringna thingkûng a na, Lungrilhai latu chu mi var a nih.

THUVARHAI 11:4

Lungsen nia chun hausakna chu a ṭhahnem chuong naw a, Felna ruok chun thinaa inthawkin a sansuok.

THUVARHAI 17:9

Bawsietna inkhumtu chun hmangaina a zawng a, Thil hril hriltu ruok chun ṭhien bul a ṭhe.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:14

ka chipuihai kân thîktir hrâm theina ding le, anni laia mi ṭhenkhat ka sandam theina dingin.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 KORINTH 9:22

Hrâtnawhai ka lâk lût theina dingin hrâtnawhai kuoma chun hrâtnaw angin ka um hlak; iengti kawng zâwngin amanih bêka ṭhenkhathai bêk ka sandam theina dingin mi po po kuomah iengkim ka ni tah.

1 TIMOTHE 4:16

Nangma le i inchûktirnaa chun fimkhur la, chuong thilhai chu thawin um zing rawh; chuong anga thawin nangma le i thu ngaituhai chu i sandam ding a nih.

PHILEMON 1:19

Kei Paulain keima kut ngeia ka ziek a ni hi; keiin thung pêk ka tih, ka kuoma nangma ngei khawm în batzie hril che lem chu ka ni nawh.

JAKOB 1:15

Chun, châkna chun tê a vawn a, suol a nei hlak; chun, suol chu a hung puitlingin thina a hung suksuok hlak.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

JAKOB 5:15

Chun, ringnaa ṭawngṭaina chun damnaw chu sukdam a ta, Lalpa chun ama chu keitho a tih; chun, thil a lo suksuol ta chun, ngaidampêk nîng a tih.

JAKOB 5:19

Ka unauhai, nangni laia mi tûkhawm thutaka inthawk chun inhmang sienla, chun, tuin amanih innghat kîrtir sienla,

1 PETER 4:8

Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

THUPUONGSUO 20:6

Thonâwkna hmasaa ṭhanghai chu an hamṭhain an inthieng a nih; chuonghai chunga chun thi hnina chun thu hrim a nei naw a. Pathien le Krista thiempuhai nîng an ta, ama leh kum sâng khat rorêlin um lem an tih.