ISAI 9:9 - Pathien Lekhabu Inthieng (BSI)

⁹ Chuongchun, mi po po, Ephraimhai le Samaria um, chapotak le lungrila uongtaka,

ISAI 9:9 ပူးပေါင်းရင်းမြစ်များ

1 LALHAI 22:25

Mikaia chun, “Ngai rawh, pindan sûngrila inbi dinga i lût ni chun la hrieng i tih,” a ta.

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 28:1

Ephraimhai zu inruihmanghai chapona lallukhum chung le, an mawina ropui pâr ṭuoi mêk, uoin inchie hnea umhai ruom ṭhatakin a khum chung chu a rik ie!

ISAI 28:3

Ephraimhai zu inruihmang chapona lallukhum chu sirdein um a ta;

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

ISAI 9:8

Lalpa chun Jakobhai rama chun thu a thawn a, Israelhai chungah a tla ta a.

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

EZEKIEL 30:19

Chuong ang tak chun Aiguptaa chun rorêlna chu sukpuitling ka ta; chun, Lalpa chu ka nih ti mi hre tâng an tih,” tiin.

EZEKIEL 33:33

Chun, hi hi a hung tlung pha chun, (ngai ta, a hung tlung mêk) anni lai chun zâwlnei a lo um zing a nih, ti hre tâng an tih,” tiin.

EZEKIEL 7:27

Lal chu lusûnin um a ta, hotu khawm chu beidawngnain inthuom a tih; chun, rama mipuihai kuthai chu sukbuoi nîng a ta; an um dânhai ang peiin an chungah thâwng ka tih; chun, an ngaithana ang peiin rorêlpêk ka ta; chun, Lalpa ka ni ti mi hre tâng an tih,” tiin.

EZEKIEL 7:9

Ka mit chun hla naw ni, lunginsietna nei bawk naw ning; i um dânhai ang peiin i chungah hung intlungtir ka ta; i tirdakumnahai chu nangmaah a um si a; chun, kei Lalpa hin ka hrem che a nih ti hre tâng i tih.

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

MALAKI 1:4

Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai Lalpa chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga Lalpa lunginsenna zing zing hnam,’ tîng an tih.

MALAKI 3:13

“In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.