ISAI 9:6 - Pathien Lekhabu Inthieng (BSI)

⁶ Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

ISAI 9:6 ပူးပေါင်းရင်းမြစ်များ

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

2 SAMUEL 7:16

Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin Lalpa thu a hung tlung a.

1 LALHAI 10:9

Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

1 LALHAI 2:33

Chuongchun, an thisen chu Joab lu chung le a thlahai lu chungah kumkhuoin lêt a ta, David chunga dâm, a thlahai chunga dâm, a sûnghai chunga dâm, a lalṭhungpha chunga dâm ruok chun Lalpa kuoma inthawka lungmuongna kumkhuoin um zing lem a tih,” a ta.

1 LALHAI 2:45

Lal Solomon ruok chu malsâwmin um a ta, David lalṭhungpha chu Lalpa hmaah kumkhuoa sukdet ning a tih,” a ta.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

INPÂKNA HLABU 45:3

Aw mi hrât, i kâwlhnâm i kâwngah vawng rawh. I ropuina le i mawina leh.

INPÂKNA HLABU 45:6

Aw Pathien, i lalṭhungpha chu chatuonin a um ding a nih, Thlierbîkna nei lona lalhmawl chu i ram lalhmawl chu a nih.

INPÂKNA HLABU 45:7

Felna chu i ngaina a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

INPÂKNA HLABU 50:1

Iengkimthawthei, Pathien ngei, Lalpa chun thu a hril a, Leihnuoi hi nisa suoknaa inthawka a tlâkna chenin a ko ta a.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 89:5

Aw Lalpa, vânhai khin i thilmak thawhai hi inpâk an ta, Mi inthienghai inkhâwmnaa khin i ringumna hi inpâk bawk an tih.

THUVARHAI 8:23

Atîra inthawk, chatuona indinin ka um a, Hnuoi hrim la um hmain.

ISAI 10:21

Hlabîkhai, Jakobhai laia a la dam sunhai chu, Pathien hrâttak kuoma chun la kîr nâwk an tih.

ISAI 11:5

Felna hi a kâwnghrên nîng a ta, ringumna hi a kâwngkhi nîng a tih.

ISAI 16:5

Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawngin, thil fel inhmâwtaka thaw nghâlin, titakzetin ṭhung a tih.

ISAI 26:12

Lalpa, nangin inremna mi ruotpêk i ta; nangin kan sin po po khawm i mi thawpêk si a.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 28:29

Chuong khawm chu sipaihai Lalpa, inrâwnna kawnga mi maktak le, varna kawnga mi ṭhatak kuoma chu a suok a nih.

ISAI 32:1

Ngai ta, lal pakhat chu feltakin lalah ṭhung a ta, mi lienhai chun rorêlna felin ro rêl an tih.

ISAI 37:32

Jerusalema inthawkin a la um sunhai chu suok an ta, Zion tlânga inthawkin a la dam dinghai chu suok bawk an tih; sipaihai Lalpa ṭhahnemngaina chun chuong chu thâwng a tih.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

ISAI 8:18

Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

HAGGAI 2:9

Hi in hi, hi hnungtienga a ropuina chu a hmasa nêk khan la nasa lem a tih, sipaihai Lalpa chun a tih: chun, hi hmuna hin inremna chu la pêng ka tih, sipaihai Lalpa chun a tih.

MATTHAI 1:1

Abraham naupa, David naupa, Isu Krista thlatuhai inthlazie chanchin chu:

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

1 KORINTH 15:25

a hmêlmahai po po a ke hnuoia a sie hmakhat chu ama chu lala um ding hrim a ni si a.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

KOLOSSA 2:3

amaa chun varna le hrietna ro po po thupin a um si a.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 1:8

Naupa chungchâng thua ruok chu hi hi a hril a nih: “Aw Pathien, i lalṭhungpha chu chatuon chatuonin um a ta; Indikna lal hmawl khawm chu, I ram lal hmawl a nih.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

RORELTUHAI 13:18

Lalpa vântirko chun a kuomah, “Iengdinga ka hming i min dawn am? Hril mi a ni dêr nawh,” a ti a.