ISAI 9:21 - Pathien Lekhabu Inthieng (BSI)

²¹ Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si naw a, a kut chu a lân let ta rawp a.

ISAI 9:21 ပူးပေါင်းရင်းမြစ်များ

2 LALHAI 15:30

Chun, Ela naupa Hosea chun Remalia naupa Peka chu a phier rûk a, a thaw a, a that a. Uzzia naupa Jotham kum sâwmhni ân lal kum chun a aiawin ân lal ta a.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 11:13

Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 8:21

Lunginzîngtak le phîngṭâm pumin ram chu fang an ta, an phîng a ṭâm pha chun an lung chu sen êm êm a ta, an lal le an Pathien chu ṭawngsie inphur bawr bawr an ta, vân tieng dâk rak rak an tih;

ISAI 9:12

Saktieng Suria mihai, thlangtieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si naw a; a kut chu a lân let ta rawp a.

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; Lalpa lunginsenna ṭium chu einia inthawkin a hnungkîr si naw a.

ZEKARIA 11:14

Chun, ka hmawl dang pakhat Pumkhatna chu ka sât bawng nâwk a, Juda le Israel inkâra inunauna chu ka suktan theina dingin.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

RORELTUHAI 7:2

Chun, Lalpain Gideon kuomah, “I kuoma mipui umhai kha Midianhai an kuta ka pêkna ding chun an tam taluo a nih; chuong naw chun chu Israelhaiin, ‘Keini kut ngeia insansuok kan nih annâwm’ tiin mi uongkhum rawi an tih.

1 SAMUEL 14:20

Chuongchun, Saula le mipuihai po po chu an fe khâwm a, indonaa chun an fe ta a; chun, anni le anni kâwlhnâma lo inthaw rak a, lo buoi nuk nuk chu an hmu a.