ISAI 9:2 - Pathien Lekhabu Inthieng (BSI)

² Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

ISAI 9:2 ပူးပေါင်းရင်းမြစ်များ

JOB LEKHABU (THE BOOK OF JOB) 10:21

Ka hung kîr nâwk nawna dinga ka fe hma hin, Thina hlim le inthimna ram ngeia ka fe hma hin.

INPÂKNA HLABU 107:10

Inthim hnuoia le thina hlima ṭhung a, Rinumna le thîra khuophai chu;

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan ta a.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um si a: I hembâwk le i hmawlin a mi thlamuon hlak a nih.

INPÂKNA HLABU 4:8

Lungmuongtakin zâl ka ta, in ka tih: Lalpa nang ngei hi i nih, makhât chau khawma himtaka mîn umtir hlaktu chu.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 60:19

Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

ISAI 9:1

Nisienlakhawm, lunginzînga umnu ta ding chun nguina hrim hrim um ta naw ni a. Tienlai chun Zebulun ram le Naphtali ram chu hmusitumin ân umtir a; nisienlakhawm, hun nuhnunga chun ropuitakin ân umtir ta a, dîl pangah, Jordan râlah, hnam tin Galili chu.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluongtirtu chu, ama chu zawng unla, a hming chu Lalpa a nih,

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

RORELTUHAI 5:30

‘Râllâk thilhai chu an hmuin an insem ni lo am a nih? Mi tinin nunghâk pakhat pahni amani seng. Sisera chan ding chu râllâk puon ze tum tum, Hnêtu rînga bât ding puon a khing hnia ṭiel mawi, ze tum tumhai chu?’ tiin.